RUTH 2:14 - Khasi CL Bible (BSI)

¹⁴ Ha ka por bam, u Boas u ong ïa ka Ruth, “Wan bad shim shi lyngkhot u kpu, bad wieh ïa u ha kane ka sos.” Kumta ka la shong lang bad ki nongtrei, bad u Boas u ai ïa ka katto katne u kew sdieh. Ka la bam haduh ban da sngewhun, bad ka dang don katto katne ka jingbam kaba sah tam.

KA BAIBL

¹⁴ Te u Boas u la ïathuh ha ka, “Ha ka por bam ja to wan shane, bad bam na une u kpu, bad wieh ïa la ka shi dkhot ha kane ka sirka.” Te ka la shong hajan kita ki nongot: u la ai ruh ïa ka na uta u Kew sdieh, bad ka la bam bad ka la kdang, bad ka la pynsah ruh.

RUTH 2:14 ပူးပေါင်းရင်းမြစ်များ

2 SAMUEL 17:28

Ki la wanrah ki pliang, ki khra, bad ki jaiñkup thiah, bad ki jingbam ruh ïa u Dabid bad ki rangbah jong u: u kew, u barli, u 'purew, u kew sdieh, u rymbai, u motor, ka ngap, ka ktung dud, ka malai, bad katto katne ki langbrot. Ki tip ba u Dabid bad ki rangbah jong u ki la thngan, ki la sliang, bad ki la thait ha ka ri khlaw.

SALM 23:5

Me pynkhreh ka jingkhawai bah na ka bynta jong nga, ha kaba baroh ki nongshun jong nga kin ïohi ïa nga; me pdiang sngewbha ïa nga kum u nongshahkhot sngewbha badonburom bad pyndap miar ïa ka khuri jong nga.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MATHAÏOS 14:20

Uwei pa uwei u la bam bad u la kdang. Nangta ki synran ki la lum khat-ar tukri pura jong kaei kaba la sah tam.

DEUTERONOMI 11:15

Phin ïoh ïa ka jingbam baroh kaba phi kwah.

DEUTERONOMI 8:10

Phin ïoh bam kat ïa kaba phi kwah, bad phin ainguh ïa U Trai U Blei jong phi na ka bynta kata ka ri kaba seisoh ba u la ai ha phi.

RUTH 2:13

Ka Ruth ka jubab, “Kynrad, phi la lehsbun shibun ïa nga. Phi la pynlong ïa nga ban kham sngewbiang da kaba kren jem jai jai ïa nga, wat la ngam ïaryngkat kyrdan bad kawei na ki shakri jong phi.”

RUTH 2:15

Hadien ba ka la mihnoh ban leit tam kew, u Boas u hukum ïa ki nongtrei, “Shah ïa ka ban tam wat na ka jaka ha kaba ki song ki don, bad wat ong ei ei ban khang ïa ka. Nalor kata, sei ruh katto katne ki kew na ki song bad ieh ïa ki ba kan ïoh tam.”

RUTH 2:18

Ka leit rah ïa u kew sha shnong bad ka pyn-i ha la ka kiaw kurim haduh katno ka la lum. Ka la ai ruh ha ka ïa kata ka jingbam kaba sah tam.

1 SAMUEL 17:17

Ha kawei ka sngi u Jesse u ong ha u Dabid, “Shim shiphew kilo une u krai sdieh bad kine ki kpu shiphew tylli, bad leit rah kyrkieh ïa ki sha ki hynmen jong phi ha ka jaka sher dara.

1 SAMUEL 25:18

Ka Abigail ka la pynstet ban lum arspah tylli ki kpu, ar tylli ki pla snieh ba-dap da ka waiñ, san tylli ki langbrot kiba la syang, khathynñiew kilo u kew ba la sdieh; shispah tylli ki rynjup soh kismis, bad arspah tylli ki thup soh Dumbur tyrkhong, bad ka pynkit ïa ki halor ki kada.