RUTH 2:13 - Khasi CL Bible (BSI)

¹³ Ka Ruth ka jubab, “Kynrad, phi la lehsbun shibun ïa nga. Phi la pynlong ïa nga ban kham sngewbiang da kaba kren jem jai jai ïa nga, wat la ngam ïaryngkat kyrdan bad kawei na ki shakri jong phi.”

KA BAIBL

¹³ Ynda kumta, ka la ïathuh, “To ai ba ngan shem kaba sngewbha ha khmat jong me, ko kynrad; namar ba me la pyntngen ïa nga, bad ba me la kren sbun ha ka shakri jong me, la ngam long kum kawei na ki shakri kynthei jong me.”

RUTH 2:13 ပူးပေါင်းရင်းမြစ်များ

JENESIS 32:6

Ynda kita ki nonglamktien ki la wan phai pat sha u Jakob, ki ong, “Ngi la leit ïashem ïa u Iso u hynmen jong phi, bad u la don ha lynti ban wan ïashem ïa phi. U don sawspah ngut ki rangbah bad u.”

JENESIS 33:10

U Jakob u ong, “Em, kata kam da pher eh; lada nga la ïoh ka jingsngewbha jong phi, to pdiang ïa ka jingai sngewbha jong nga. Ban ïohi ïa ka khmat jong phi ka long ïa nga hi kumba ïohi ïa ka khmat U Blei, mynta ba phi la leh jan ïa nga katne.

JENESIS 33:15

Kumta u Iso u ong, “Te kumta, shah ngan ieh katto katne ngut ki briew jong nga bad phi.” Hynrei u Jakob u ong, “Ym da donkam ban leh kumta namar nga kwah tang ban ïoh ïa ka jingsngewbha jong phi.”

JENESIS 33:8

U Iso u kylli, “Kumno pat shaphang kato ka kynhun kaba nga la ïakynduh? Ka mut aïu kato?” U Jakob u jubab “Ban ïoh ïa ka jingsngewbha jong phi.”

JENESIS 34:3

Hynrei haba u shem ba ka samla ka long kaba i-ieit kat haduh ba u la ïapmat ïa ka, bad u la pyrshang ban ïoh ïa ka jingsngewieit na ka.

JENESIS 43:14

To U Blei Badonbor Baroh un pynlong ïa uta u briew ba un isynei ïa phi, khnang ba un pynphai sha phi ïa u hynmen u para jong phi, bad ïa u Benjamin de. Ïa nga shimet te, lada nga dei ban duh ïa la ki khun, ieh ngan mat duh ïa ki.”

2 SAMUEL 16:4

U syiem u ong ha u Siba, “Baroh kaba dei ka jong u Mephibosheth ka long ka jong me.” “Nga long u shakri jong phi,” u Siba u jubab. “Ai ba ngan ïai pynsngewbha ïa U Syiem Kynrad.”

PROBERB 15:33

Ka jingtiengburom ïa U Trai ka long ka jinghikai na ka hi. Phi dei ban long kiba sngewrit ha shuwa ba phin ïoh ïa ki jingkyntiew burom.

HOSIA 2:16

Nangta sa shisien pat kan sa khot biang ïa nga u tnga jong ka — kan ym khot shuh ïa nga u Baal jong ka.

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

NONGBISHAR 19:3

Te uta u briew u leit bud ïa ka bad u pyrshang ban khroh ïa ka ba kan wan phai pat sha u. U ïalam bad u ïa uwei u shakri bad ar tylli ki kada. Ka kynthei ka ïalam ïa u Lebi sha ïing, bad haba u kpa jong ka u ïohi ïa u, u pdiang sngewbha ïa u da kaba kmen.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”

RUTH 2:14

Ha ka por bam, u Boas u ong ïa ka Ruth, “Wan bad shim shi lyngkhot u kpu, bad wieh ïa u ha kane ka sos.” Kumta ka la shong lang bad ki nongtrei, bad u Boas u ai ïa ka katto katne u kew sdieh. Ka la bam haduh ban da sngewhun, bad ka dang don katto katne ka jingbam kaba sah tam.

1 SAMUEL 1:18

“A ba phin da pyrkhat sngewlem ïa nga kumta man ka por,” ka jubab. Nangta ka leit noh, ka bam ka dih, bad kam shym leh sngewsih shuh.

1 SAMUEL 25:41

Ka Abigail ka dem ngon ha khyndew bad ka ong, “Nga long ka shakri jong u, kaba kloi ban sait ïa ki kjat jong ki shakri jong u.”