RUTH 2:12 - Khasi CL Bible (BSI)

¹² To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”

KA BAIBL

¹² To U Trai un pynbiang kum ka kam jong pha, bad to ai ba ka bainong jong pha kan long kaba janai na U Trai, U Blei ki Israel, uba pha la wan ban rieh hapoh ki thapniang jong u.”

RUTH 2:12 ပူးပေါင်းရင်းမြစ်များ

SALM 17:8

To ïada ïa nga kumba me leh ïa la ki jong ki khmat; buhrieh ïa nga ha ka jingkah ki thapniang jong me

SALM 19:11

Ki ai jingtip ïa nga, u shakri jong me; la ainong ïa nga namar ka jingkohnguh ïa ki.

SALM 36:7

Katno kaba kordor, A Blei, ka long ka jingieit baneh jong me! Ngi ïoh jingïada hapoh ka syrngiew ki thapniang jong me.

SALM 57:1

To leh-isynei ïa nga, A Blei, to leh-isynei, namar nga wan sha me ban ïoh jingshngain. Ha ka syrngiew jong ki thapniang jong me nga shem ka jingïada haduh ba ki 'erïong bajur ki kut noh.

SALM 58:11

Ki briew kin ong, “Kiba hok da shisha ki la ïoh ïa ka bainong; da shisha don U Blei uba bishar ïa ka pyrthei.”

SALM 61:4

Ai ngan shong ha ka jaka kyntang jong me shi lynter ka jingim jong nga; ai ngan shem ka jingshngain hapoh ki thapniang jong me.

SALM 63:7

namar me la ïailong ka jingïarap jong nga. Ha ka syrngiew jong ki thapniang jong me nga rwai da kaba kmen.

SALM 91:4

Un tap ïa me da ki thapniang jong u; men long shngain hapoh ka jingsumar jong u; ka jinglong baïaineh jong u kan ïada bad kyrshan ïa me.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

PROBERB 23:18

Lada ka long kumta, phi don ka lawei kaba phyrnai.

JEREMAÏAH 31:16

To sngap noh na ka jingïam jong phi bad to ñiad noh ïa ki ummat jong phi. Baroh kiba phi la leh na ka bynta ki khun jong phi kin ym long lehnoh-ei; kin wan phai pat na ka ri u nongshun.

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

MATHAÏOS 5:12

To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

MATHAÏOS 6:1

“Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

2 TIMOTHI 1:18

To U Trai un ai ïa ka jinglehisynei ha u ha kata ka Sngi! Bad phi tip shai kdar katno ba u la leh na ka bynta jong nga ha Ephesos.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

RUTH 1:16

Hynrei ka Ruth ka jubab, “Wat ong ïa nga ban iehnoh ïa phi! Shah ba ngan leit bad phi. Kat shaba phi leit, ngan leit; kat haba phi shong phi sah, hangta ngan shong ngan sah. Ki briew jong phi kin long ki briew jong nga, bad U Blei jong phi un long U Blei jong nga.

RUTH 2:11

U Boas u jubab, “Nga la ïohsngew shaphang kiei kiei baroh kaba phi la leh ïa la ka kiaw kurim naduh ba u tnga jong phi u la ïap. Nga tip kumno phi la iehnoh ïa la ki kmie ki kpa bad ïa la ka ri ruh, bad kumno phi la wan ban shong ban sah hapdeng ki briew kiba phim pat ju ithuh mynno mynno.

RUTH 2:13

Ka Ruth ka jubab, “Kynrad, phi la lehsbun shibun ïa nga. Phi la pynlong ïa nga ban kham sngewbiang da kaba kren jem jai jai ïa nga, wat la ngam ïaryngkat kyrdan bad kawei na ki shakri jong phi.”

RUTH 4:15

Ka pyrsa kurim jong phi ka ieit ïa phi, bad ka la leh kham bun na ka bynta jong phi ban ïa ki hynñiew ngut ki khun shynrang. Bad mynta ka la ai ha phi u khun ksiew, u ban wallam ka jingim thymmai ha phi bad ai ha phi ka jingshngain ha ka rta tymmen jong phi.”

1 SAMUEL 24:19

Haduh katno sien ba u briew un kem ïa u nongshun jong u bad nangta un pyllait ïa u ban leit noh khlem mynsaw? U Trai un kyrkhu ïa phi ïa kaei kaba phi la leh ïa nga ha kane ka sngi!

1 SAMUEL 24:20

Mynta nga da sngewthikna ba phin sa long u syiem ki Israel bad ba ka hima Israel kan ïaineh ha ka jingsynshar jong phi.