RUTH 1:20 - Khasi CL Bible (BSI)

²⁰ “Wat khot ïa nga, ka Naomi,” ka jubab; “khot noh ïa nga, ka Marah, namar U Blei Bakhrawbor u la pynlong ïa ka jingim jong nga kaba kthang.

KA BAIBL

²⁰ Ka te ka la ong ha ki, “Wat khot shuh ïa nga ‘ka Naomi’, khot ïa nga ‘ka Mara’ keiñ: naba U Badonbor Baroh u la leh kthang eh ïa nga.

RUTH 1:20 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 43:14

To U Blei Badonbor Baroh un pynlong ïa uta u briew ba un isynei ïa phi, khnang ba un pynphai sha phi ïa u hynmen u para jong phi, bad ïa u Benjamin de. Ïa nga shimet te, lada nga dei ban duh ïa la ki khun, ieh ngan mat duh ïa ki.”

Ka Kitab U Job 11:7

Hato me lah ban shem ïa ki pud ki sam jong ka jingkhraw bad ka bor jong U Blei?

Ka Kitab U Job 19:6

Hato phim lah ban ïohi ba dei U Blei uba la leh ïa kane? U la buh ïa ka jingriam ban kem ïa nga.

Ka Kitab U Job 5:17

Suk uta u briew ïa uba U Blei u pynbeit! Wat ïeng pyrshah haba u sneng ïa me.

Ka Kitab U Job 6:4

U Blei Badonbor Baroh u la siat da ki khnam ïa nga, bad ka bih jong ki ka par baroh kawei ka met jong nga. Da ki jingshyrkhei U Blei u la pynap riang pyrshah ïa nga.

Ka Kitab U Job 9:18

Um shah ïa nga ban ïoh pynhiar mynsiem; u la pyndap ïa ka jingim jong nga da ka jingkthang.

SALM 73:14

A Blei, me la pynlong ïa nga ban shahshitom baroh shi sngi; man la ka step me la pynshitom ïa nga.

SALM 88:15

Naduh ba nga dang samla, nga la shahshitom bad nga la jan ïap, nga la thait ïan na ka jingkit jong ki jingpynshitom jong me.

EKSODOS 15:23

Nangta ki la wan poi ha ka jaka ïa kaba la khot ka Marah, hynrei ka um hangta ka long kaba kthang haduh katta katta ba kim lah ban dih ïa ka. Dei na kata ka daw ba la khot kyrteng ïa ka, ka Marah.

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

ISAÏAH 38:13

Baroh shi miet nga kyang bad ka jingpang, la kumba u sing u pynkheiñ ïa ki shyieng jong nga. Nga pyrkhat ba U Blei u la pynkut ïa ka jingim jong nga.

HEBRU 12:11

Haba la sneng sympat ïa ngi, ngi ju pyrkhat ha kata ka por ïa kaei kaei kaba pynsngewsih ïa ngi, bad ym kaba pynkmen ïa ngi. Pynban hadien, kito kiba shah pynbeit da kita ki rukom sneng sympat ki ïoh ot ïa ka bainong kaba ai jingsuk jong ka jingim bahok.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 21:22

Ngam shym ïohi ïa ka templ ha ka nongbah, namar ka templ jong ka, u long U Trai U Blei Badonbor Baroh bad U Khunlangbrot.