RUTH 1:17 - Khasi CL Bible (BSI)

¹⁷ Hangno hangno ba phi ïap, hangta ngan ïap, bad dei hangta ba yn tep ïa nga. Ai ba ka jingpynshitom bashyrkhei eh jong U Trai kan wan hap halor jong nga lada nga shah ïa kaei kaei lait noh ka jingïap hi ka ban pynïakhlad ïa nga na phi!”

KA BAIBL

¹⁷ ha kaba phan ïap ma pha, hangta hi nga ruh ngan ïap, hangta ruh yn tep ïa nga: to U Trai un leh kumta ïa nga, bad tam ruh, lada ei ei sa tang ka jingïap ka ban pynkhlad ïa nga na pha.”

RUTH 1:17 ပူးပေါင်းရင်းမြစ်များ

2 SAMUEL 15:21

Hynrei u Ittai u jubab, “Ko Syiem kynrad, nga smai ha phi ha ka kyrteng U Trai ba ngan ïai leit bad phi kat shaba phi leit, wat la ka dei ban ïap.”

2 SAMUEL 19:13

U Dabid u la bthah ruh ïa ki ban ong ha u Amasa, “Phi dei u ba-ha-ïing jong nga. Naduh mynta nga buh ïa phi ban ïalam ïa ka kynhun shipai ha ka jaka jong u Joab. To U Blei un shoh ïap ïa nga lada ngam leh kumta!”

2 SAMUEL 3:35

Baroh shi sngi ki briew ki wan kyntu ïa u Dabid ban bam ei ei, hynrei u Dabid u la pynlong ka kular kaba shongkhia, “Ieh U Blei un shoh ïap ïa nga lada nga bam ei ei shuwa ba ka sngi kan sep!”

2 SAMUEL 3:9

U Trai u la kular ha u Dabid ba un shim noh ïa ka hima na u Saul bad ki khun ki ksiew jong u, bad un thung ïa u Dabid kum u syiem jong ki Israel bad ki Judah, naduh na kawei ka tduh sha kawei pat ka tduh jong ka ri. Mynta to U Blei un shoh ïap ïa nga lada ngam pynurlong shisha ïa kane!”

1 SYIEM 13:31

Ynda ki la dep tep, u nongïathuhlypa u ong ha la ki khun, “Ynda nga ïap, tep ïa nga ha kane ka jingtep bad buh ïa ka met jong nga syndah bad ka jong u.

1 SYIEM 19:2

Ka la phah khubor sha u Elijah: “Ai ba ki blei kin pynïap ïa nga lashai kum ha kane ka por lada ngam leh ïa kajuh kaba me la leh ïa ki nongïathuhlypa.”

1 SYIEM 2:23

Nangta u Solomon u la ai ka jingkular bakyntang ha ka kyrteng jong U Trai, “To U Blei un shoh ïap ïa nga lada ngam pynlong ïa u Adonijah ban peiñ da ka jingim jong u namar ba u pan ïa kane!

1 SYIEM 20:10

“Ngan wallam bun ki rangbah ban pynjot ïa kane ka nongbah jong me bad ban rah mar shi kham ka khyndew ha ki kti jong ki. Ai ba ki blei kin shoh ïap ïa nga lada ngam leh kumta!”

2 SYIEM 6:31

U kyang, “Ai ba U Blei un shoh ïap ïa nga lada u Elisha um shah khrai khlieh shuwa ba ka sngi kan kut!”

SALM 45:10

Ko ka nongleitkurim jong u syiem, shahshkor ïa kaei kaba nga ong — Klet noh ïa la ki briew bad ïa ki ba-ha-ïing ha-sem jong phi.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

RUTH 1:16

Hynrei ka Ruth ka jubab, “Wat ong ïa nga ban iehnoh ïa phi! Shah ba ngan leit bad phi. Kat shaba phi leit, ngan leit; kat haba phi shong phi sah, hangta ngan shong ngan sah. Ki briew jong phi kin long ki briew jong nga, bad U Blei jong phi un long U Blei jong nga.

RUTH 4:15

Ka pyrsa kurim jong phi ka ieit ïa phi, bad ka la leh kham bun na ka bynta jong phi ban ïa ki hynñiew ngut ki khun shynrang. Bad mynta ka la ai ha phi u khun ksiew, u ban wallam ka jingim thymmai ha phi bad ai ha phi ka jingshngain ha ka rta tymmen jong phi.”

1 SAMUEL 14:44

U Saul u ong ha u, “Ai ba U Blei un shoh ïap ïa nga lada yn ym pynïap ïa me!”

1 SAMUEL 20:13

Lada i thmu ban pynsniew ïa phi, to U Trai un shoh ïap ïa nga lada ngam pyntip ïa phi ïa kata bad ba phin ïohlait na ka jingma. To U Trai un long lem bad phi kumba u la long bad i pa jong nga!

1 SAMUEL 25:22

To U Blei un shoh ïap ïa nga lada ngam shym pynïap ïa uba khatduh eh na kito ki briew ha shuwa ban mih ka step!”

1 SAMUEL 3:17

“U Trai u ïathuh aïu ha phi?” u Eli u kylli. “Wat buhrieh ei ei na nga. U Blei un pynshitom jur ïa phi lada phim ïathuh lut ha nga kat ïa kaba u la ong.”