Ka Shithi U Paul Sha Ki Nong Rom 9:5 - Khasi CL Bible (BSI)

⁵ ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

KA BAIBL

⁵ kiba ki jong ki, long kita ki kpa, bad na ki, ba la mih U Khrist katba kum ka doh, uba long halor baroh, U Blei ba la kyrkhu keiñ sha ki bymjukut! Amen.

Ka Shithi U Paul Sha Ki Nong Rom 9:5 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

1 SYIEM 1:36

“Yn pyndep ïa ka,” u Benaïah u jubab, “bad to U Trai U Blei jong phi un pynskhem ïa ka!

1 KHRONIKL 16:36

Ïaroh ïa U Trai, U Blei ki Israel! Ïaroh ïa u mynta bad junom! Nangta baroh u paidbah u ong, “Amen,” bad ïaroh ïa U Trai.

SALM 103:19

U Trai u la buh ïa ka khet jong u ha bneng; u long u syiem halor baroh.

SALM 106:48

Ïaroh ïa U Trai, U Blei jong ki Israel; ïaroh ïa u mynta bad junom! Ai ba baroh kin ong, “Amen!” Ïaroh ïa U Trai!

SALM 41:13

Ïaroh ïa U Trai, U Blei ki Israel! Ïaroh ïa u mynta bad junom! Amen! Amen!

SALM 45:6

Ka hima kaba U Blei u la ai ïa me kan neh junom la junom. Me synshar halor ki briew jong me da ka hok;

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

SALM 89:52

A to ïaroh ïa U Trai junom! Amen! Amen!

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

JEREMAÏAH 28:6

“Kaba phylla! Nga kyrmen U Trai un leh ïa kane! Nga da kyrmen shisha un pynlong ïa ka jingïathuhlypa jong phi ban urlong shisha bad un wallam pat na Babilonia ïa baroh ki jingkynshew ka Templ bad ïa ki briew baroh kiba la shah ïalam noh kum ki koidi.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

LOUKAS 20:44

U Dabid u la khot ïa u ‘U Trai’; kumno, te, U Messaïah u lah ban long uba hiarpateng na u Dabid?”

ÏOANNIS 10:30

U Kpa bad ma nga ngi long kawei.”

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

Ka Shithi U Paul Sha Ki Nong Rom 1:25

Ki bujli ïa ka jingshisha U Blei da ka jinglamler; ki mane bad shakri ïa kaei kaba U Blei u la thaw, ha ka jaka ban mane bad shakri ïa U Nongthaw hi, ïa uba dei ban ïaroh junom! Amen.

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

Ka Shithi U Paul Sha Ki Nong Rom 10:12

Kane ka long ïa baroh, namar ym don ka jingïapher hapdeng ki Jiw bad ki Jentil; U Blei u long ujuh U Trai ïa baroh bad u kyrkhu kyrhai ïa baroh kiba khot kyrpad ïa u.

Ka Shithi U Paul Sha Ki Nong Rom 11:28

Namar ba ki kyntait ïa ka Khubor Babha, ki Jiw ki long ki nongshun jong U Blei na ka bynta jong phi ki Jentil. Hynrei namar ka jingjied U Blei, ki long ki paralok jong u namar ki kpa tymmen jong ki.

1 KORINTH 14:16

Haba phi ainguh ha U Blei tang ha ka mynsiem, da kumno u riewpaidbah uba shim bynta ha ka jingïaseng u lah ban ong “Amen” ha kata ka jingduwai ainguh jong phi? Kim don lynti ban sngewthuh ïa kaei kaba phi kren.

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

DEUTERONOMI 10:15

Hynrei ka jingieit U Trai ïa ki kpa tymmen jong phi ka long kaba khraw katta katta ba u la jied ïa phi napdeng ki jaitbynriew baroh, bad phi dang long haduh mynta ka jaitbynriew ba la jied jong u.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

2 TIMOTHI 2:8

To kynmaw ïa U Jisu Khrist, uba la mihpat na ka jingïap, uba la hiarpateng na u Dabid, kumba la hikai ha ka Khubor Babha kaba nga ïalap.

HEBRU 7:24

Hynrei U Jisu u im junom, bad ka kam jong u kum u lyngdoh kam shym la hiarpateng sha uno uno uwei pat.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”

JINGPYNPAW 22:20

Uta uba ai ïa ka jingphla jong u ha kane baroh, u ong, “Ho-oid da shisha! Nga wan kloi!” Ai kan long kumta. To wan, Trai Jisu!

JINGPYNPAW 5:14

Ki saw tylli ki jingthaw ba-im ki la jubab, “Amen!” Bad ki nongsharai balang ki la dem khrup bad ki la mane.