Ka Shithi U Paul Sha Ki Nong Rom 9:4 - Khasi CL Bible (BSI)

⁴ Ki long ki briew jong U Blei; u la pynlong ki khun jong u ïa ki bad u la pynpaw ïa ka burom jong u ha ki; u la pynlong ki jutang bad ki bad u la ai ïa ki ka Hukum; ki don ka jingmane bashisha; ki la ïoh ïa ki jingkular U Blei;

KA BAIBL

⁴ kiba long ki Israel; kiba ki jong ki, long kata ka jingtingkhun, bad kata ka jingpyndonburom, bad kita ki jutang, bad kata ka jingai ka hukum, bad kata ka jingleh niam ka jong U Blei, bad kita ki jingkular;

Ka Shithi U Paul Sha Ki Nong Rom 9:4 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 17:10

Ma me bad ki khun ki ksiew jong me ki dei ban mynjur ban otsher ïa uwei pa uwei u khunlung hapdeng jong phi.

JENESIS 17:2

Ngan pynlong ka jutang jong nga bad me, bad ngan ai ha me bun ki khun ki ksiew.”

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

1 SYIEM 8:11

uba tyngshaiñ da ka jingshai kaba thaba na ka jingdon U Trai, bad kim shym lah shuh ban leit shapoh ban pyndep ïa ki kamram jong ki.

NEHEMAÏAH 13:29

To kynmaw, A Blei, kumno kito ki briew ki la pyntngit ïa baroh ar, ka jinglong lyngdoh bad ka jutang kaba me la pynlong bad ki lyngdoh bad ki Lebi.

SALM 147:19

U ai ïa ka khubor jong u sha ki briew jong u, ki jingbthah bad ki aiñ jong u ïa ki Israel.

SALM 63:2

Shah ïa nga ban ïohi ïa me ha ka jaka kyntang; shah ïa nga ban ïohi haduh katno me long uba donbor bad uba donburom.

SALM 73:1

U Blei u long da shisha uba bha ïa ki Israel, ïa kito kiba don ki dohnud basngur.

SALM 78:61

U la shah ïa ki nongshun jong ngi ban kurup ïa ka Synduk ka Jutang, ka dak jong ka bor bad ka burom jong u.

SALM 89:3

Me la ong, “Nga la pynlong ka jutang bad u briew uba nga la jied, nga la kular ha u Dabid u shakri jong nga,

SALM 89:34

Ngan ym pynkheiñ ïa ka jutang jong nga bad u, lane shim noh ïa kawei ka kular kaba nga pynlong bad u.

SALM 90:16

Ai ha ngi, ki shakri jong me ban ïohi ïa ki kam kiba donbor jong me; ai ba ki khun ki ksiew jong ngi kin ïohi ïa ka borbah badonburom jong me.

EKSODOS 12:25

Haba phi rung sha ka ri ïa kaba U Trai u la kular ban ai ha phi, phi dei ban leh ïa kane ka jinglehniam.

EKSODOS 34:27

U Trai u ong ha u Moses, “Thoh ïa kine ki ktien, namar dei ha ka nongrim jong kine ki ktien ba nga pynlong ka jutang bad me bad ki Israel.”

EKSODOS 4:22

Te me dei ban ong ha u ba ma nga, U Trai, nga ong, ‘U Israel u long u khun nyngkong jong nga.

EKSODOS 40:34

Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

ISAÏAH 41:8

“Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.

ISAÏAH 46:3

“To shahshkor ïa nga, ko ki khun ki ksiew jong u Jakob, phi baroh kiba dang sah na ki briew jong nga. Nga la sumar ïa phi naduh ka por ba dang kha.

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

ISAÏAH 60:19

“Ka sngi kan ym long shuh ka jingshai jong pha mynsngi, lymne u bnai un long ka jingshai jong pha mynmiet, ma nga, U Trai, ngan long ka jingshai bymjukut jong pha; ka jingshai jong ka burom jong nga kan tyngshaiñ ha pha.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

ESEKIEL 1:28

Ka shai baroh sawdong da ka jingshai kaba phyrnai kaba don lut ha ka baroh ki rong jong u simpyllieng. Kane ka long ka jingshai kaba thaba kaba pynpaw ïa ka jingdon ryngkat U Trai. Haba nga la ïohi ïa kane, nga kyllon kram da pyllup ha ka khyndew.

HOSIA 11:1

U Trai u ong, “Mynba u Israel u dang khynnah, nga la ieit ïa u, bad nga la khot noh ïa u na Ijipt kum u khun jong nga.

JINGKHEIÑ 7:89

Haba u Moses u leit rung shapoh ka Ïingjaiñ ban ïakren bad U Trai, u la ïohsngew ba U Trai u kren ïa u najrong ka jingtap ha ka Synduk ka Jutang, napdeng ki ar tylli ki kherub.

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 1:47

Haba U Jisu u la ïohi ïa u Nathanael ba u wan sha u, u la ong shaphang jong u, “Une u dei u kynja Israel uba shisha, ym don kano kano ka bymshisha ha u!”

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

Ka Shithi U Paul Sha Ki Nong Rom 3:2

Ha ka jingshisha, don shibun, ha kiba bun ki liang! Ha kaba nyngkong, U Blei u la aiti ïa ka khubor jong u ha ki Jiw.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

Ka Shithi U Paul Sha Ki Nong Rom 9:6

Ngam ong ba ka kular jong U Blei kam shym la treikam; namar ym baroh ki paid Israel ki long ki briew jong U Blei.

2 KORINTH 11:22

Hato ki long ki Hebru? Nga ruh nga long. Hato ki long ki Israel? Nga ruh nga long. Hato ki long kiba hiarpateng na u Abraham? Nga ruh nga long.

GALATIA 3:16

Mynta, U Blei u la pynlong ïa ki jingkular jong u ha u Abraham bad ha u nonghiarpateng jong u. Ka Jingthoh Bakhuid kam shym pyndonkam da ki kyntien “ki nonghiarpateng,” kaba thew shibun ki briew, hynrei ka pyndonkam da ka kyntien “u nonghiarpateng,” kaba mut tang uwei u briew, kaba mut U Khrist.

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

DEUTERONOMI 14:1

“Phi dei ki briew jong U Trai U Blei jong phi. Kumta haba phi ïam haba ïap mano mano, wat pynmong ïa lade lane khi ïa ki bynta ka khmat jong phi, kumba leh kiwei pat ki jaitbynriew.

DEUTERONOMI 29:1

Kine ki long ki ktien jong kata ka jutang ba U Trai u la hukum ïa u Moses ban pynlong bad ki Israel ha ka ri ki Moab; kane baroh ka la long ka jingbynrap shuh shuh halor kata ka jutang kaba U Trai u la pynlong bad ki ha u Lum Sinai.

DEUTERONOMI 29:14

Ym dei tang bad phi ba U Trai u pynlong ïa kane ka jutang bad ki jingdawa baroh kiba don ha ka.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 4:13

U la ïathuh ha phi kaei kaba phi dei ban leh ha kaba bat ïa ka jutang kaba u la pynlong bad phi, kata, ïa ki Shiphew Hukum ba u la thoh ha ki ar tylli ki mawlyngkniap.

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

HEBRU 9:1

Ka jutang kaba nyngkong ka la don ki rukom pynïaid ïa ka jingmane Blei bad kumjuh ruh ka jaka ba la shna da u briew ban mane.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

HEBRU 9:3

Ha lyndet ka jingkah kaba ar la don ka Ïingjaiñ ïa kaba la khot ka Jaka kaba Kyntang Tam.

HEBRU 9:5

Haneng ka Synduk la don ki kherub kiba long ka dak ka jingdon ryngkat jong U Blei, bad ki thapniang jong ki, ki pyiar halor ka jaka ha kaba la ju map ïa ki pop. Hynrei mynta kam dei ka por ban batai bniah nadong shadong.

HEBRU 9:6

Kane ka long kumno la buh ryntih ïa kita kiei kiei. Ki lyngdoh ki rung shapoh ka bynta kaba ha khmat jong ka Ïingjaiñ man ka sngi ban pyndep ïa ki kamram jong ki,