Ka Shithi U Paul Sha Ki Nong Rom 9:27 - Khasi CL Bible (BSI)

²⁷ Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

KA BAIBL

²⁷ Hynrei, u Isaïah u pyrta noh shaphang ki Israel: “La ka jingkheiñ ki khun Israel ka da long kat u shyiap ka duriaw; tang ïa ita i bynta ba dang pynsah, yn ri pynim:

Ka Shithi U Paul Sha Ki Nong Rom 9:27 ပူးပေါင်းရင်းမြစ်များ

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

ESRA 9:14

Nangta kumno ngi lah ban lyndet biang ïa ki hukum jong me bad shongkha khleh bad kine ki briew kiba sniew? Lada ngi leh kumta, ka jingbitar jong me kan long kaba khraw bad men pynjot khoit ïa ngi bad yn ym don mano mano na ngi u ban lait im.

ESRA 9:8

Mynta, na ka bynta khyndiat por, A Trai U Blei jong ngi, me la leh-isynei ïa ngi bad me la shah ïa katto katne na ngi ban lait na ka jinglongmraw bad ban shong ban sah ha ka jingshngain ha kane ka jaka bakhuid. Me la pyllait ïa ngi na ka jinglongmraw bad ai pat ka jingim bathymmai.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 24:13

Kane ka dei kaei ka ban jia ha baroh ki jaitbynriew kylleng ka pyrthei. Kan long kum ka jingkut jong ka jingot, haba ïa ki soh Olib la dep tied pynhap na uwei pa uwei u dieng bad ba ïa ki sohwaiñ bakhatduh la kheit na ki dieng sohwaiñ.

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.

ESEKIEL 6:8

“Ngan ailad ïa ki katto katne ban ïohlait na ka waitlam bad kin sakma hapdeng ki jaitbynriew, bad kin im kum kiba shah ringmraw.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”