Ka Shithi U Paul Sha Ki Nong Rom 9:25 - Khasi CL Bible (BSI)

²⁵ Kane ka long kaei kaba u ong ha ka Kitab U Hosia: “Ki briew ki bym shym la long ki jong nga ngan khot ‘Ki Briew jong nga.’ Ka jaitbynriew kaba ngam shym la ieit ngan khot ‘Kaba ieit jong nga.’

KA BAIBL

²⁵ Kumba u ong ruh ha u Hosea: “Ngan khot ‘U paidlang jong nga’ ïa uta u bym ju long u paidlang jong nga bad ‘Ka ba-ieit’ ïa kata ïa kaba ym ju la ieit.”

Ka Shithi U Paul Sha Ki Nong Rom 9:25 ပူးပေါင်းရင်းမြစ်များ

2 SAMUEL 7:24

Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

ÏOANNIS 16:27

U ieit ïa phi namar ba phi ieit ïa nga bad ba phi la ngeit ba nga la wan na U Blei.

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.