Ka Shithi U Paul Sha Ki Nong Rom 9:22 - Khasi CL Bible (BSI)

²² Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

KA BAIBL

²² Kumno te lada U Blei, ba u da mon ban pyni ïa la ka jingbitar, bad ban pyntip noh ïa ka borbah jong u, u la ïaishah da shibun ka jingïaishah-slem ïa ki khiew ka jingbitar ba la pynbit sha ka jingpynjot;

Ka Shithi U Paul Sha Ki Nong Rom 9:22 ပူးပေါင်းရင်းမြစ်များ

JENESIS 15:16

Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

Ka Shithi U Paul Sha Ki Nong Rom 9:21

Ha ka jingshisha, u briew uba thaw ïa ki khiew u don ka hok ban pyndonkam ïa ka dewbyrtha katba u kwah, bad ban thaw ar tylli ki khiew na kawei ka lyngngun dewbyrtha, ïa uwei na ka bynta ki por bakyrpang bad ïa uwei pat na ka bynta ka jingpyndonkam paidbah.

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

1 THESSALONI 5:9

U Blei um shym jied ïa ngi ban shah ïa ka jingbitar jong u, hynrei ban ïoh ïa ka jingpynim lyngba U Jisu Khrist uba U Trai jong ngi,

2 TIMOTHI 2:20

Ha ka ïing kaba heh don ki khiew kiba bun jait: Don na ki ïa kiba la thaw da ka rupa bad ka ksiar, kiwei pat da ka dieng bad ka dewbyrtha; don na ki na ka bynta ka jingpyndonkam kyrpang, kiwei pat ban pyndonkam man ka por.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.

2 PETROS 3:15

To khmih ïa ka jingïaishah slem U Trai jong ngi kum ka lad ba u ai ha phi ban ïoh im, kumba u Paul u para ba-ieit jong ngi u la thoh ha phi, da kaba pyndonkam ïa ka jingstad kaba U Blei u la ai ha u.

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.