Ka Shithi U Paul Sha Ki Nong Rom 8:9 - Khasi CL Bible (BSI)

⁹ Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

KA BAIBL

⁹ Hynrei, ma phi phim long ha ka doh, hynrei, ha U Mynsiem, lada U Mynsiem U Blei u shong sah hapoh jong phi. Hynrei, lada uno uno ruh um don U Mynsiem U Khrist, uta keiñ, um long u jong U.

Ka Shithi U Paul Sha Ki Nong Rom 8:9 ပူးပေါင်းရင်းမြစ်များ

ESEKIEL 11:19

Ngan ai ha ki ka dohnud bathymmai bad ka jingmut bathymmai. Ngan shim noh ïa ka dohnud maw ba-mutlop bad ngan ai ha ki ka dohnud bakohnguh.

LOUKAS 11:13

Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

ÏOANNIS 3:6

Ïa u briew la kha ha ka doh na ki kmie ki kpa kiba long ki briew, hynrei la kha ha kaba kynja mynsiem na U Mynsiem.

KI KAM 16:7

Haba ki la poi ha u pud jong ka Mysia, ki la pyrshang ban leit sha ka probins jong ka Bithynia, hynrei U Mynsiem jong U Jisu um shym shah ïa ki.

Ka Shithi U Paul Sha Ki Nong Rom 7:5

Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 15:23

Hynrei ïa uwei pa uwei yn pynmihpat kat kum ka jingbuh ryntih: Ïa U Khrist nyngkong eh na baroh; nangta ha ka jingwan jong u, sa ïa kito kiba dei ki jong u.

1 KORINTH 3:16

Da shisha phi tip ba phi long ka templ jong U Blei bad ba U Mynsiem U Blei u shong hapoh jong phi!

1 KORINTH 6:17

Hynrei uta uba pynïasoh ïa lade sha U Trai u long kawei bad u ha kaba kynja mynsiem.

1 KORINTH 6:19

Hato phim tip ba ka met jong phi ka long ka jaka shong U Mynsiem Bakhuid, uba shong hapoh jong phi bad ïa uba la ai ha phi da U Blei?

2 KORINTH 10:7

Phi khmih ïa kiei kiei kiba paw shabar. Hato don mano mano hangto uba dawa ne kaba dawa ïa lade ba phi dei jong U Khrist? La kumno kumno, ai ba un pyrkhat biang shaphang ïa lade, namar ngi long ki jong U Khrist, kumba long ma u hi.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 1:13

Bad ma phi ruh, kiba la kylla long ki briew jong U Blei mynba phi la ïohsngew ïa ka khubor kaba shisha, ka khubor babha kaba wallam ïa phi ka jingpynim. Phi la ngeit ha U Khrist, bad U Blei u la buh ïa ka jingshonshab ka jinglong trai ha phi da kaba ai ha phi ïa U Mynsiem Bakhuid uba u la kular.

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

PHILIPPI 1:19

Bad ngan ïailong uba kmen, namar nga tip ba da ki jingduwai jong phi bad da ka jingïarap kaba wan na U Mynsiem jong U Jisu Khrist, ïa nga yn sa pyllaitluid.

2 TIMOTHI 1:14

Da ka bor jong U Mynsiem Bakhuid, uba im hapoh jong ngi, to sumar ïa kiei kiei kiba bha ïa kiba la pynkhamti ha me.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

1 ÏOANNIS 4:13

Ngi sngewskhem ba ngi im ha U Blei bad ba u im hapoh jong ngi, namar ba u la ai ha ngi ïa U Mynsiem jong u.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.