Ka Shithi U Paul Sha Ki Nong Rom 8:8 - Khasi CL Bible (BSI)

⁸ Kito kiba kohnguh ïa ki jinglong ba kynja doh, kim lah ban pynsngewbha ïa U Blei.

KA BAIBL

⁸ Kumta te, kita kiba long ha ka doh kim lah ban pynsngewbha ïa U Blei.

Ka Shithi U Paul Sha Ki Nong Rom 8:8 ပူးပေါင်းရင်းမြစ်များ

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

Ka Shithi U Paul Sha Ki Nong Rom 7:5

Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

1 KORINTH 7:32

Nga da kwah eh ba phin long kiba lait na ka jingkhuslai. U briew u bym shym shongkurim u pyrkhat ïa lade ha ka kam U Trai, namar u wad ban pynsngewbha ïa U Trai.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

KOLOSSAI 3:20

Ko ki khun, ka dei ka kamram ki bangeit ban ïai kohnguh ïa la ki kmie ki kpa, naba kata ka long kaei kaba pynsngewbha ïa U Blei.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.