Ka Shithi U Paul Sha Ki Nong Rom 8:7 - Khasi CL Bible (BSI)

⁷ Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

KA BAIBL

⁷ Naba kata ka jingïaimut brai ka jong kata ka doh, ka long ka jingshun ïa U Blei; namar kam pynhapoh ïa lade ïa ka hukum U Blei, lymne shisha kam lah keiñ.

Ka Shithi U Paul Sha Ki Nong Rom 8:7 ပူးပေါင်းရင်းမြစ်များ

2 KHRONIKL 19:2

U nongïathuhlypa, u Jehu u khun jong u Hanani, u leit ban ïakynduh ïa u syiem bad ong ha u, “Hato ka long kaba dei ban ïarap ïa kito ki briew kiba sniew bad ban ïashah bad kito kiba isih ïa U Trai? Kaei kaba phi la leh ka la wallam ïa ka jingbitar U Trai halor jong phi.

Ka Kitab U Job 15:13

Me leh bitar ïa U Blei bad me kyntait ïa u.

SALM 53:1

Kiba bieit ki ong ha lade, “Ym don Blei.” Ki baroh ki long kiba jakhlia, bad ki la leh ïa kiei kiei kiba shyrkhei; ym don uwei ruh uba leh ïa kaei kaba dei.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

JEREMAÏAH 13:23

U briew uba ïong u lah mo ban pynkylla ïa ka rong jong ka sniehdoh jong u, lane u 'labasa u lah mo ban weng ïa ki jingthoh ïong jong u? Lada ki lah, te ma pha ka bym leh ïa kano kano hynrei ka jingsniew pha lah ban tip ban leh ïa kaei kaba dei.

ESEKIEL 14:5

Kito ki bleithaw baroh ki la pynphai noh ïa ki Israel na nga, hynrei da ka jubab jong nga, nga kyrmen ban ïoh pat ïa ka jingshaniah jong ki.

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 5:19

Kumta te, uno uno u bymkohnguh wat ïa iba rit tam jong ki hukum bad uba hikai ïa kiwei pat ban leh kumjuh, un long uba rit tam ha ka Hima ki bneng. Ha kawei pat ka liang, uno uno uba kohnguh ïa ka Hukum bad uba hikai ïa kiwei ban leh kumjuh, un long uba khraw ha ka Hima ki Bneng.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

Ka Shithi U Paul Sha Ki Nong Rom 1:28

Namar ba kita ki briew ki la kyntait ban bat ha ka jingmut ïa ka jingtip bashisha shaphang U Blei, u la ai noh ïa ki sha ki jingmut bajakhlia, ba kumta ki leh ïa kiei kiei kiba kim dei ban leh.

Ka Shithi U Paul Sha Ki Nong Rom 1:30

Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

Ka Shithi U Paul Sha Ki Nong Rom 3:31

Hato kane ka mut ba da kane ka jingngeit ngi kyntait noh ïa ka Hukum? Em, ym kumta; pynban, ngi pynskhem ïa ka Hukum.

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

Ka Shithi U Paul Sha Ki Nong Rom 7:22

Ka jinglong kaba hapoh jong nga ka kmen ha ka hukum U Blei.

Ka Shithi U Paul Sha Ki Nong Rom 8:4

U Blei u la leh ïa kane khnang ba ïa ki jingdawa bahok jong ka Hukum yn pyndep nadong shadong ha ngi kiba im kat kum U Mynsiem, bad ym kat kum ka jinglong ba kynja doh.

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

1 KORINTH 9:21

Kumjuh ruh, haba nga dang trei bad ki Jentil, nga im kum u Jentil, shabar ka Hukum ki Jiw, khnang ban jop ïa ki Jentil. Kane kam mut ba nga khlem kohnguh ïa ka hukum U Blei; nga long shisha hapoh ka hukum U Khrist.

KOLOSSAI 1:21

Ha kawei ka por phi la long jngai eh na U Blei bad phi la long ki nongshun jong u namar jong kiei kiei kiba sniew kiba phi la leh bad pyrkhat.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

2 TIMOTHI 3:4

kin long kiba shetkylla, kiba leh thurmur, bad kiba hangamei; kin ieit ïa ka jingsngewbha ban ïa U Blei;

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!