Ka Shithi U Paul Sha Ki Nong Rom 8:39 - Khasi CL Bible (BSI)

³⁹ lymne ka pyrthei shalor lymne ka pyrthei sha tbian — ym don kano kano ha ki jingthaw baroh ki ban lah lano lano ruh ban pynïakhlad ïa ngi na ka jingieit U Blei kaba ha ngi lyngba U Khrist Jisu uba U Trai jong ngi.

KA BAIBL

³⁹ lymne ka jingjrong, lymne ka jingjylliew, lymne kaei kaei ruh kawei pat ka jingthaw, kan ym lah keiñ ban pynïakhlad noh ïa ngi na kata ka jingieit ka jong U Blei kaba ha U Khrist Jisu uba U Trai jong ngi.

Ka Shithi U Paul Sha Ki Nong Rom 8:39 ပူးပေါင်းရင်းမြစ်များ

SALM 64:6

Ki pynlong ki jingpyrkhat kiba sniew bad ong, “Ngi la pyrkhat ïa ka kam runar kaba paka.” Ka dohnud bad ka jingmut briew ki long kiba maïan.

PROBERB 20:5

Ki jingpyrkhat jong u briew ki long kum ka um ha ka pukri kaba jylliew, hynrei uba don ka jingïohi jngai u lah ban tong noh ïa ki shabar.

JINGRWAI SOLOMON 3:4

Tang mar ïakhlad na ki, nga la shem ïa u. Nga la bat ïa u bad ngam shah ïa u ban leit tad ynda nga ïalam ïa u sha ka ïing i mei jong nga, sha ka kamra ha kaba la kha ïa nga.

ISAÏAH 10:33

U Trai Badonbor Baroh un wallam ïa ki bad pynhap shapoh kum ki tnat dieng ba la khet na u dieng. Ïa kiba sarong eh bad kiba kynjang tam jong ki yn khet bad yn pynjahburom.

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

DANIEL 4:11

U la nang san nang san tad haduh ba u la kynjoh ïa ka sahit bneng bad ba lah ban ïohi da baroh kiba don ha ka pyrthei.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

ÏOANNIS 16:27

U ieit ïa phi namar ba phi ieit ïa nga bad ba phi la ngeit ba nga la wan na U Blei.

ÏOANNIS 17:26

Nga la pynithuh ïa me ha ki, bad ngan ïai leh kumta, khnang ba ka jingieit kaba me don ïa nga kan ïoh long bad ki, bad kumta nga ruh ngan ïoh long bad ki.”

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 11:33

Katno ka long kaba khraw ka spah jong U Blei! Katno ki long kiba jylliew ka jingstad bad ka jingtip jong u! Uei uba lah ban batai ïa ki jingrai jong U? Uei uba lah ban sngewthuh ïa ki lynti jong u?

Ka Shithi U Paul Sha Ki Nong Rom 5:8

Hynrei U Blei u la pyn-i ha ngi haduh katno ba u ieit ïa ngi — ka la long mynba ngi dang long ki nongpop ba U Khrist u la ïap na ka bynta jong ngi!

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:35

Uei te, uba lah ban pynïakhlad ïa ngi na ka jingieit U Khrist? Hato ka jingjynjar ka lah, lane ka jingshitom lane ka jingpynshitom beiñ lane ka jingthngan lane ka jingduk lane ka jingma lane ka jingïap?

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

PHILIPPI 3:12

Ngam shym la kam ba nga la ïoh jop lypa lane ba la pynlong janai lypa. Nga ïai ïaleh shitom ban ïoh ïa ka prais ïa kaba U Khrist Jisu u la ïoh ïa nga sha lade hi.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

1 ÏOANNIS 4:16

Bad ma ngi da lade ngi tip bad ngeit ïa ka jingieit kaba U Blei u don na ka bynta jong ngi. U Blei u long ka jingieit, bad uno uno uba im ha ka jingieit, u im bad U Blei bad U Blei u im hapoh jong u.

1 ÏOANNIS 4:19

Ngi ieit namar U Blei u la ieit shuwa ïa ngi.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 2:24

“Hynrei kiba sah na kiba don hapdeng jong pha ha Thiatira kim shym la bud ïa kane ka jinghikai basniew; pham shym la nang ïa kaei kaba kiwei ki khot ‘ki jingjylliew barieh u Soitan.’ Nga ong ïa pha ba ngan ym buh kano kano kawei pat ka jingkit halor jong pha.

JINGPYNPAW 20:3

U angel u la bret ïa u sha ka 'liewlong khlem trai, u la khang tala ïa ka, bad u la pynskhem ïa ka, khnang ba un ym lah ban shukor shuh ïa ki jaitbynriew tad haduh ba ki shihajar snem ki la kut. Hadien kata ïa u dei ban pyllait shipor.

JINGPYNPAW 20:7

Hadien ba ki shihajar snem ki la kut, yn pyllait ïa u Soitan na ka byndi jong u,