Ka Shithi U Paul Sha Ki Nong Rom 8:31 - Khasi CL Bible (BSI)

³¹ Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

KA BAIBL

³¹ Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

Ka Shithi U Paul Sha Ki Nong Rom 8:31 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

1 SYIEM 8:57

To U Trai U Blei jong ngi un don ryngkat bad ngi, kumba u la don ryngkat bad ki kpa tymmen jong ngi; to un ym iehnoh ïa ngi lane lyndet ïa ngi;

2 SYIEM 6:16

“Wat sheptieng,” u Elisha u jubab. “Ngi don kham bun ha ka liang jong ngi ban ïa kaba ki don ma ki.”

1 KHRONIKL 19:15

Haba ki Ammon ki ïohi ba ki Syria ki phet ïap, ki phet ïap na u Abishai bad ki kynran sha ka nongbah. Nangta u Joab u leit phai noh sha Jerusalem.

1 KHRONIKL 5:22

Ki la pynïap bun bah ki nongshun, namar ba ka thma ka la long ka mon U Blei. Bad ki la ïaishong ïaisah ha kata ka thain haduh ka jingshah ringmraw.

SALM 118:6

U Trai u don bad nga, ngan ym sheptieng; u briew un lah leh aïu ïa nga?

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 56:11

Ha u nga shaniah, bad ngan ym sheptieng. U briew un lah ban leh aïu ïa nga?

SALM 56:4

Nga shaniah ha U Blei bad ngam sheptieng; nga ïaroh ïa u na ka bynta kaei kaba u la kular. U briew un lah ban leh aïu ïa nga?

SALM 56:9

Ha ka sngi kaba nga khot kyrpad ïa me, ki nongshun jong nga kin phai pat. Nga tip ïa kane: U Blei u don ha ka liang jong nga —

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

JEREMAÏAH 42:11

Keiñ noh na kaba sheptieng ïa u syiem jong ka Babilonia. Nga long ryngkat bad phi, bad ngan pyllait ïa phi na ka bor jong u.

JINGKHEIÑ 14:9

Wat ïaleh pyrshah ïa U Trai bad wat sheptieng ïa ki briew kiba shong hangta. Ngin jop da kaba suk ïa ki. U Trai u don lem bad ngi bad u la jop ïa ki blei kiba ïada ïa ki; kumta te wat sheptieng.”

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

Ka Shithi U Paul Sha Ki Nong Rom 3:5

Hynrei kaei ka ban long lada ka jingleh bymdei jong ngi ka pyn-i kham shai ïa kaei kaba dei kaba U Blei u leh? Hato ngi lah ban ong ba U Blei u bakla haba u pynshitom ïa ngi? (Kane kan long ka jingkylli kaba dei ban kylli.)

Ka Shithi U Paul Sha Ki Nong Rom 4:1

Kaei kaba ngin ïa-ong te, shaphang u Abraham, u kpa jong ka jaitbynriew jong ngi? Kaei ka jingshem jong u?

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”