Ka Shithi U Paul Sha Ki Nong Rom 8:30 - Khasi CL Bible (BSI)

³⁰ Bad kumta kito ïa kiba U Blei u la pynkyrpang, u la khot; bad ïa kito kiba u la khot, u la pynlong ka hok ïa ki bad u hi, bad u ai bynta ïa ki ha ka burom jong u.

KA BAIBL

³⁰ Bad ïa kiba u la thmu lypa, ïa kita u la khot ruh; bad ïa kiba u la khot, ïa kita u la pynksan ruh; te ïa kiba u la pynksan, ïa kita u la pyndonburom ruh.

Ka Shithi U Paul Sha Ki Nong Rom 8:30 ပူးပေါင်းရင်းမြစ်များ

ISAÏAH 41:9

Nga la wallam ïa me na kiba kut ka pyrthei; nga la khot ïa me naduh ki pud bajngai bah jong ka bad nga la ong ha me ‘me long u shakri jong nga,’ ngam shym la kyntait ïa me, hynrei nga la jied ïa me.

ÏOANNIS 17:22

Nga la ai ha ki ïa kajuh ka burom kaba me la ai ha nga, khnang ba kin long kawei, kumba ma me bad nga ngi long kawei.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

Ka Shithi U Paul Sha Ki Nong Rom 1:6

Kane ruh ka kynthup ïa phi kiba ha Rom, ïa kiba U Blei u la khot ban long ki jong U Jisu Khrist.

Ka Shithi U Paul Sha Ki Nong Rom 11:29

Naba U Blei um shym la pynkylla ïa ka jingmut jong u shaphang jongno ba u jied bad u kyrkhu.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:21

ba ïa ki jingthaw hi ha kawei ka sngi yn pyllaitluid na ki jinglongmraw sha ka jingpyut bad ban ïadon bynta ha ka jinglaitluid badonburom jong ki khun jong U Blei.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 KORINTH 2:7

Ka jingstad kaba nga pynbna ka long ka jingstad barieh jong U Blei, ïa kaba la buhrieh na u bynriew, hynrei, ïa kaba u la jied lypa na ka bynta ka burom jong ngi wat ha shuwa ba yn pynlong ïa ka pyrthei.

1 KORINTH 6:11

Don na phi kiba la ju long kumta. Hynrei la pynkhuid ïa phi na ka pop; la pynkyntang ïa phi sha U Blei; la pynksan ïa phi bad U Blei da U Jisu Khrist uba U Trai bad da U Mynsiem U Blei jong ngi.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

GALATIA 1:15

Hynrei U Blei ha ka jingaiei jong u, u la jied ïa nga wat shuwa ban kha ïa nga, bad u la khot ïa nga ban shakri ïa u.

GALATIA 1:6

Nga sngewlyngngoh ïa phi! Tang katto katne por phi la iehnoh ïa uta uba la khot ïa phi da ka jingaiei U Khrist, bad ba phi la pdiang ïa kawei pat ka Gospel.

GALATIA 5:8

Ym shym la leh da U Blei, uba la khot ïa phi.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 1:5

Namar ka jingieit jong u, U Blei u la rai lypa ba da U Jisu Khrist un pynlong ïa ngi ki khun jong u — kane ka long ka jingsngewbha bad ka jingthmu jong u.

EPHESOS 2:6

Ha U Khrist Jisu, la pynmihpat ïa ngi lem bad u, ba ngin ïoh synshar lem bad u ha ka pyrthei ba kynja bneng.

EPHESOS 3:11

U Blei u la leh ïa kane kat kum ka jingthmu bymjukut kaba u la pyndep lyngba U Khrist Jisu uba U Trai jong ngi.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

KOLOSSAI 3:4

Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

1 THESSALONI 2:12

Ngi la pynshlur ïa phi, ngi la pyntngen ïa phi, bad ngi ïai kyrpad ïa phi ban im ka jingim kaba pynsngewbha ïa U Blei, uba khot ïa phi ban ïa-ïoh bynta lem ha ka Hima bad ka burom jong u hi.

2 TIMOTHI 2:11

Kane ka long ka jingong kaba shisha: “Lada ngi la ïap bad u, ngin sa ïoh im ruh lem bad u.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”