Ka Shithi U Paul Sha Ki Nong Rom 8:3 - Khasi CL Bible (BSI)

³ Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

KA BAIBL

³ Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

Ka Shithi U Paul Sha Ki Nong Rom 8:3 ပူးပေါင်းရင်းမြစ်များ

JINGKHEIÑ 21:9

Kumta u Moses u shna ïa u 'seiñ rnong bad u wah ïa u ha u dieng. Kat uba shah puh bseiñ u peit sha uta u 'seiñ rnong bad u koit.

JINGKHEIÑ 28:22

Kñia ruh uwei u 'langsohmoh kum ka jingkñia namar ka pop, bad ha kane ka rukom pyndep ïa ka jinglehniam ka jingpynkhuid ïa u paidbah.

MARKOS 15:27

Ki la sahnarphna ruh ïa ki ar ngut ki dakaid lem bad U Jisu, ïa uwei sha kamon bad ïa uwei pat sha kadiang jong u.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

Ka Shithi U Paul Sha Ki Nong Rom 6:6

Bad ngi tip ba ïa ka jinglong barim jong ngi la pynïap noh bad U Khrist halor ka diengphna, khnang ba ïa ka bor jong ka jinglong pop jong ngi, yn pynjot noh, khnang ba ngin ym long shuh ki mraw jong ka pop.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

Ka Shithi U Paul Sha Ki Nong Rom 9:3

Na ka bynta jong ki nga kwah ba ngan jin da la don hapoh ka jingtim U Blei ba la pynïakhlad na U Khrist.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

GALATIA 3:21

Hato kane ka mut ba ka Hukum ka long pyrshah ïa ki jingkular U Blei? Em, ym dei kumta! Naba lada u khunbynriew u la ïohpdiang ïa ka Hukum kaba lah ban wanrah jingim, te uwei pa uwei u lah ban long uba la pynksan ha U Blei da kaba kohnguh ïa ka.

PHILIPPI 2:7

Ha ka jaka kane, da ka mon balaitluid u kheiñduh noh ïa baroh kaba u don, bad u la shim ïa ka jinglong u shakri. U kylla long u kum u briew, bad u la wanpaw ha ka dur u briew.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.