Ka Shithi U Paul Sha Ki Nong Rom 8:27 - Khasi CL Bible (BSI)

²⁷ Bad U Blei, uba ïohi ïa kaba shapoh ki dohnud jong ngi, u tip kaei ka long jingmut jong U Mynsiem; namar U Mynsiem u ïasaid bad U Blei na ka bynta la ki briew bad kat kum ka mon jong u.

KA BAIBL

²⁷ Hynrei, uta keiñ uba ïit ïa ki dohnud, u ithuh kaei kata ka jingmut ka jong U Mynsiem; naba u kyrpad na ka bynta ki riewkhuid katba kum ka mon U Blei.

Ka Shithi U Paul Sha Ki Nong Rom 8:27 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

SALM 139:1

A Trai, me la ïit ïa nga bad me tip ïa nga.

SALM 38:9

A Trai, me tip ïa kaei kaba nga thrang eh, me ïohsngew ïa ki jingud jong nga baroh.

SALM 44:21

Da shisha men jin da la shem ïa kata, namar me tip ïa ki jingmut barieh jong ngi.

SALM 7:9

Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 20:12

Hynrei, ko Trai Badonbor Baroh, me tynjuh hok ïa ki briew; me tip kaei kaba don hapoh ki dohnud bad ka jingmut jong ki. Kumta shah ngan ïohi ba me pynhiarkput halor ki nongshun jong nga, namar nga la buh ïa ka kam jong nga ha ki kti jong me.

MATHAÏOS 6:8

Wat long kum ma ki. U Kpa jong phi u da tip lypa ïa kaei kaba phi donkam ha shuwa ba phin pan na u.

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

KI KAM 1:24

Nangta ki la duwai, “A Trai, me tip ïa ki jingpyrkhat jong uwei pa uwei, kumta pyn-i ha ngi uno na kine ar ngut uba me la jied

KI KAM 15:8

Bad U Blei, uba tip ïa ki jingpyrkhat jong uwei pa uwei, u la pyn-i ïa ka jingmynjur ïa ki Jentil da kaba ai ïa U Mynsiem Bakhuid ha ki, kumba u la leh ha ngi.

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

Ka Shithi U Paul Sha Ki Nong Rom 8:6

Kaba shah synshar ha ka jinglong ba kynja doh, ka ïalam sha ka jingïap; kaba shah synshar ha U Mynsiem, ka ïalam sha ka jingim bad ka jingsuk.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

1 THESSALONI 2:4

Pynban, ngi kren borabor kumba U Blei u kwah ïa ngi kumta, namar u la ñiew ïa ngi kiba bit ban shaniah ïa ka Khubor Babha. Ngim shym pyrshang ban pynsngewbha ïa ki briew, hynrei, ban pynsngewbha ïa U Blei, uba tynjuh ïa ki jingthmu jong ngi.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.