Ka Shithi U Paul Sha Ki Nong Rom 8:25 - Khasi CL Bible (BSI)

²⁵ Hynrei lada ngi kyrmen ïa kaei kaba ngim ïohi, ngi ap ïa kata da ka jingïaishah.

KA BAIBL

²⁵ Hynrei, lada ngi kyrmen ïa kata kaba ngim ïohi, te da kaba ïaishah ngi khmih lynti ïa kata.

Ka Shithi U Paul Sha Ki Nong Rom 8:25 ပူးပေါင်းရင်းမြစ်များ

JENESIS 49:18

“Ko Trai, nga ap ïa ka jingpyllait im jong me.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

SALM 62:1

Nga ap da ka jingïaishah slem ïa U Blei ban pynim ïa nga; nga shaniah tang ha u hi.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 26:8

Ngi bud ïa ka mon jong me bad ngi buh ka jingkyrmen jong ngi ha me; me long tang ma me uba ngi kwah.

LOUKAS 21:19

To ïeng skhem, bad phin ri pynim ïa lade hi.

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 8:23

Hynrei ym dei tang ki jingthaw kiba ud; ma ngi ruh kiba don ïa U Mynsiem kum ki jingai banyngkong jong U Blei, ngi ïa-ud hapoh lade hi, katba ngi dang ap ïa U Blei ba un pynlong ïa ngi ki khun jong u bad ban pyllaitluid phar ïa ngi.

KOLOSSAI 1:11

Ai ba yn pynkhlaiñ ïa phi da ka jingkhlaiñ baroh kaba wan na ka bor badonburom jong u, khnang ba phi lah ban shah ïa kiei kiei baroh da ka jingïaishah. Bad da ka jingkmen to ainguh ïa U Kpa, uba la pynlong ïa phi kiba bit ban ïoh ïa la ka bynta na kaei kaba U Blei u la tyngkai na ka bynta ki briew jong u ha ka hima ka jingshai.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

2 THESSALONI 3:5

Ai ba U Trai un ïalam ïa phi sha ka jingshemphang ba kham khraw jong ka jingieit U Blei bad sha ka jingïaishah kaba la ai da U Khrist.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.