Ka Shithi U Paul Sha Ki Nong Rom 8:24 - Khasi CL Bible (BSI)

²⁴ Naba ka long da ka jingkyrmen ba ïa ngi la pynim; hynrei lada ngi ïohi kaei kaba ngi ap kyrmen, te kam da long shisha ka jingkyrmen. Naba uei uta uba kyrmen ïa kaei kaba u ïohi?

KA BAIBL

²⁴ Namar ha ka jingkyrmen la pynim ïa ngi; hynrei, ka jingkyrmen ïa kaba ïohi kam long ka jingkyrmen: namar ïa kata ba uno uno ruh u ïohi, kumno u kyrmen pat ïa kata?

Ka Shithi U Paul Sha Ki Nong Rom 8:24 ပူးပေါင်းရင်းမြစ်များ

SALM 146:5

Suk uta u briew uba don U Blei jong u Jakob ban ïarap ïa u bad uba shaniah ha U Trai U Blei jong u,

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 33:22

Ai ba ka jingieit baneh jong me kan long ha ngi, A Trai, kumba ngi buh ïa ka jingkyrmen jong ngi ha me.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

JEREMAÏAH 17:7

“Hynrei ngan kyrkhu ïa u briew uba buh ïa ka jingshaniah jong u ha nga.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 15:4

Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

Ka Shithi U Paul Sha Ki Nong Rom 4:18

U Abraham u la ngeit bad u la kyrmen, wat mynba ym shym don ka daw ban kyrmen, bad kumta u la long “U kpa jong ki jaitbynriew babun.” Kumba ka Jingthoh Bakhuid ka ong, “Kiba hiarpateng na me kin bun kat ki khlur.”

Ka Shithi U Paul Sha Ki Nong Rom 5:2

U la wallam ïa ngi da ka jingngeit sha kane ka jingshem mynsiem jong ka jingaiei U Blei, ha kaba mynta ngi im. Bad kumta ngi sngewsarong ïa ka jingkyrmen jong ka jingïadon bynta ha ka burom jong U Blei!

Ka Shithi U Paul Sha Ki Nong Rom 8:20

Naba ïa ki jingthaw la pynrem ban duh noh ïa ka jingthmu jong ki, ym na ka mon la jong hi, hynrei namar ka mon U Blei uba la mon ïa kata. Pynban ka la don ka jingkyrmen

1 KORINTH 13:13

Kine lai tylli kin ïaisah: Ka jingngeit, ka jingkyrmen bad ka jingieit; bad kaba khraw tam na kine ka long ka jingieit.

2 KORINTH 4:18

Naba ngi pynleit jingmut, ym ha kiei kiei kiba lah ban ïohi, hynrei ha kiei kiei ki bym lah ban ïohi. Kata kaba lah ban ïohi ka neh tang shipor, hynrei kata ka bym lah ban ïohi ka neh junom.

2 KORINTH 5:7

Naba ka jingim jong ngi ka long da ka jingngeit, ym da ka jingïohi.

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

1 THESSALONI 5:8

Hynrei ngi dei ki jong ka sngi, bad ngi dei ban pyngngad. Ngi dei ban kup ïa ka jingngeit bad ïa ka jingieit kum ka jingda shadem, bad ka jingkyrmen jong ngi ïa ka jingpynim kum ka jingda khlieh.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

TITOS 3:7

khnang ba ngi lah ban don ka jingïadei kaba beit bad U Blei bad ïohpdiang ïa ka jingim bymjukut kaba ngi ap kyrmen.

HEBRU 11:1

Ban ngeit ka long ban sngewskhem ïa kiei kiei ïa kiba ngi kyrmen, ban sngewthikna ïa kiei kiei kiba ngim lah ban ïohi.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.