Ka Shithi U Paul Sha Ki Nong Rom 8:23 - Khasi CL Bible (BSI)

²³ Hynrei ym dei tang ki jingthaw kiba ud; ma ngi ruh kiba don ïa U Mynsiem kum ki jingai banyngkong jong U Blei, ngi ïa-ud hapoh lade hi, katba ngi dang ap ïa U Blei ba un pynlong ïa ngi ki khun jong u bad ban pyllaitluid phar ïa ngi.

KA BAIBL

²³ Bad ym tang kata, hynrei, ma ngi hi ruh kiba don ki soh nyngkong jong U Mynsiem, wat ma ngi hi keiñ, ngi ïa-ud sat hapoh lade hi, da kaba ap khmih hir hir ïa ka jingtingkhun, kaba long, ka jingsiewspah ïa ka met jong ngi.

Ka Shithi U Paul Sha Ki Nong Rom 8:23 ပူးပေါင်းရင်းမြစ်များ

2 KHRONIKL 31:5

Tang mar ïa-ai hukum, ki paid Israel ki wanrah ïa ki jingai jong ki, kiba kynsai tam na u kew, ka waiñ, ka umphniang Olib, ka ngap, bad kiwei de ki jingmih na ka lyngkha, bad ki wanrah ruh ïa kawei-na-kaba-shiphew jong kiei kiei kiba ki don.

LOUKAS 20:36

Kin long kum ki angel bad kim lah ban ïap. Ki long ki khun jong U Blei, naba ki la mihpat na kaba ïap.

LOUKAS 21:28

Haba kine kiei kiei baroh ki sdang ban jia, ïeng joit bad pynïeng ïa la ki khlieh, namar ka jingpynim jong phi ka la jan.”

Ka Shithi U Paul Sha Ki Nong Rom 5:11

Hynrei kam long tang kumta; ngi lehkmen na ka bynta kaei kaba U Blei u la leh lyngba U Jisu Khrist uba U Trai jong ngi, uba mynta u la pynlong ïa ngi ki paralok jong U Blei.

Ka Shithi U Paul Sha Ki Nong Rom 5:3

Ngi sngewsarong ruh ïa ki jingshah shitom jong ngi, namar ngi tip ba ka jingshah shitom ka pynmih ïa ka jingïaishah,

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

Ka Shithi U Paul Sha Ki Nong Rom 7:24

A katno nga long u briew u bym don jingsuk! Uei u ban pyllait noh ïa nga na kane ka met kaba ïalam ïa nga sha ka jingïap?

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

2 KORINTH 1:22

uba la shon ïa ka shab jong ka jinglong trai halor jong ngi, bad uba la ai ïa U Mynsiem Bakhuid ha ki dohnud jong ngi kum ka jingbahkhlieh ïa kata baroh kaba u la buh tyngkai na ka bynta jong ngi.

2 KORINTH 7:5

Wat hadien ba ngi la poi ha Makedonia, ngim shym la ïoh shongthait. Ki la don ki jingjynjar ha kylleng sawdong, ki jingïakajia bad kiwei pat, ki jingsheptieng ha ki dohnud jong ngi.

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

EPHESOS 1:14

U Mynsiem u long ka jingbahkhlieh ba ngin sa ïohpdiang ïa kaei kaba U Blei u la kular ha ki briew jong u, bad kane ka pynthikna ïa ngi ba U Blei un ai ka jinglaitluid kaba pura ha kito kiba long ki jong u. To ngin ïaroh ïa ka burom jong u!

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

EPHESOS 5:9

naba ka dei ka jingshai kaba pynmih ïa ka jingot kaba kyrhai ha baroh ki jinglong babha, bahok, bad bashisha.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

TITOS 2:13

katba ngi dang ap ïa ka jingwan jong kata ka Sngi ba la kyrkhu kaba ngi ap kyrmen, haba ka burom U Blei bakhraw bad U Jisu Khrist U Nongpynim jong ngi kan paw.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.