Ka Shithi U Paul Sha Ki Nong Rom 8:21 - Khasi CL Bible (BSI)

²¹ ba ïa ki jingthaw hi ha kawei ka sngi yn pyllaitluid na ki jinglongmraw sha ka jingpyut bad ban ïadon bynta ha ka jinglaitluid badonburom jong ki khun jong U Blei.

KA BAIBL

²¹ ha ka jingkyrmen ba yn pyllait noh ïa kata ka jingthaw hi ruh, na kata ka jinglongmraw hapoh kata ka jingpyut, sha ka jinglaitluid ka burom kita ki khun U Blei.

Ka Shithi U Paul Sha Ki Nong Rom 8:21 ပူးပေါင်းရင်းမြစ်များ

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

Ka Shithi U Paul Sha Ki Nong Rom 8:30

Bad kumta kito ïa kiba U Blei u la pynkyrpang, u la khot; bad ïa kito kiba u la khot, u la pynlong ka hok ïa ki bad u hi, bad u ai bynta ïa ki ha ka burom jong u.

1 KORINTH 15:42

Kane ka long kumno kan jia haba ïa kiba ïap la pynmihpat. Haba ïa ka met la tep, ka long kaba ïap; haba la pynmihpat, ka long ka bymïap shuh.

HEBRU 12:27

Ki ktien “sa shisien pat” ki pyn-i shai ba ïa kiei kiei kiba la thaw yn pynkhynñiuh bad yn weng noh, khnang ba ïa kiei kiei ki bym lah ban pynkhynñiuh yn pynneh.

2 PETROS 3:13

Hynrei ngi ap ïa kaei kaba U Blei u la kular: Ïa ki bneng kiba thymmai bad ïa ka khyndew kaba thymmai, ha kaba ka hok kan don.

JINGPYNPAW 21:1

Nangta nga la ïohi ïa ka bneng bathymmai bad ïa ka pyrthei bathymmai. Ka bneng banyngkong bad ka pyrthei banyngkong ki la jah noh, bad ka duriaw kam don shuh.