Ka Shithi U Paul Sha Ki Nong Rom 8:2 - Khasi CL Bible (BSI)

² Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

KA BAIBL

² Namar kata ka hukum ka jong U Mynsiem ka jingim ha U Khrist Jisu ka la pyllait ïa nga na kata ka hukum ka jong ka pop bad ka jong ka jingïap.

Ka Shithi U Paul Sha Ki Nong Rom 8:2 ပူးပေါင်းရင်းမြစ်များ

SALM 51:12

To ai pat ha nga ïa ka jingkmen kaba wan na ka jingpynim jong me, bad pynlong ïa nga uba mon ban kohnguh ïa me.

ESEKIEL 1:21

Kumta man ka teng ba ki jingthaw ki ïaid ne sangeh ne kiew sha suiñ, ki shalyntem ruh ki leh kumjuh.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 6:63

Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

ÏOANNIS 8:32

phin tip ïa ka jingshisha, bad ka jingshisha kan pyllaitluid ïa phi.”

ÏOANNIS 8:36

Lada U Khun u pyllaitluid ïa phi, te phin long da shisha kiba laitluid.

Ka Shithi U Paul Sha Ki Nong Rom 16:3

Nga phah ïa ki jingkhublei ïa ka Priskila bad u Akwila, ki para nongtrei jong nga ha ka jingshakri ïa U Khrist Jisu;

Ka Shithi U Paul Sha Ki Nong Rom 3:27

Ïa kaei te, ngi lah ban sngewsarong? Yn don ei ei! Bad kaei ka daw na ka bynta kane? Hato ka dei ba ngi kohnguh ïa ka Hukum? Em, hynrei ka dei ïa kata kaba ngi ngeit.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 6:18

La pyllaitluid ïa phi na ka pop bad phi la long pat ki mraw jong ka hok.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

Ka Shithi U Paul Sha Ki Nong Rom 7:21

Kumta nga shem ba kane ka hukum ka treikam; haba nga kwah ban leh ïa kaei kaba bha, kaei kaba sniew ka long tang ma ka, ka jingjied kaba nga don.

Ka Shithi U Paul Sha Ki Nong Rom 7:23

Hynrei nga ïohi ïa ka hukum kaba pher kaba trei hapoh ka met jong nga — ka hukum kaba ïaleh pyrshah ïa ka hukum kaba ka jingmut jong nga ka mynjur. Ka pynlong ïa nga u koidi ïa ka hukum jong ka pop kaba trei ha ka met jong nga.

Ka Shithi U Paul Sha Ki Nong Rom 7:4

Ka long kumta bad phi, ko ki parabangeit jong nga. Ha ka jingïadei bad ka hukum, ma phi ruh phi la ïap namar phi long ka bynta jong ka met U Khrist; bad mynta phi long ki jong u, uta ïa uba la pynmihpat na ka jingïap khnang ba ngi lah ban long kiba U Blei u lah ban pyndonkam na ka bynta ka kam jong u.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

2 KORINTH 3:17

Mynta, “U Trai” ha kane ka jingthoh u long U Mynsiem; bad hangno haba U Mynsiem jong U Trai u don, hangta ka don ka jinglaitluid.

2 KORINTH 3:6

dei ma u, uba pynlah ïa ngi ban shakri ïa ka jutang kaba thymmai, kaba khlem kynthup ïa ka hukum ba la thoh hynrei kaba da U Mynsiem. Ka hukum ba la thoh ka wallam ïa ka jingïap, hynrei U Mynsiem u ai jingim.

GALATIA 2:19

Ha ka jingïadei bad ka Hukum, la kumno kumno nga la ïap — la pynïap da ka Hukum hi — khnang ba nga lah ban im na ka bynta U Blei. La pynïap ïa nga lem bad U Khrist ha ka diengphna jong u,

GALATIA 5:1

Ka jinglaitluid ka long kaei kaba ngi don — dei U Khrist u la pyllait ïa ngi! Ïeng te, kum ki briew kiba laitluid, bad wat shah ïa lade ban long pat ki mraw.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.

JAKOB 1:25

Hynrei uno uno uba peit bniah ïa ka hukum bajanai kaba pyllaitluid ïa ki briew, uba ïai pynleit jingmut ïa ka bad ym tang ban sngap ïa ka bad nangta ban klet noh, hynrei u pyntreikam ïa ka — uta u briew un ïoh jingkyrkhu na U Blei ha kaei kaei kaba u leh.

JINGPYNPAW 11:11

Hadien lai sngi shiteng, ka jingpyrsad mynsiem ba ai jingim ka la wan na U Blei bad ka la rung ha ki, bad ki la ïeng joit; bad baroh kiba la ïohi ïa ki, ki la sngewtriem.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot