Ka Shithi U Paul Sha Ki Nong Rom 8:11 - Khasi CL Bible (BSI)

¹¹ Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

KA BAIBL

¹¹ Hynrei, lada U Mynsiem jong uta uba la pynmih pat ïa U Jisu na ki baïap u shong sah hapoh jong phi, uta uba la pynmih pat ïa U Khrist na ki baïap, un pynlong im ruh ïa kita ki met baïap jong phi, da uta U Mynsiem jong u, uba shong sah hapoh jong phi.

Ka Shithi U Paul Sha Ki Nong Rom 8:11 ပူးပေါင်းရင်းမြစ်များ

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

ESEKIEL 37:14

Ngan pyrsad da ka mynsiem jong nga ha ki, bad kin im biang, bad ngan sa shah ïa ki ban im ha ka ri jong ki hi. Te kin sa tip ba nga long U Trai. Nga la kular ba ngan leh ïa kane — bad ngan leh. Ma nga, U Trai, nga la kren.”

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.

Ka Shithi U Paul Sha Ki Nong Rom 16:10

Ki jingkhublei ïa u Apelles, uba ïa ka jingïaineh ha U Khrist la pynshisha. Ki jingkhublei ïa kito kiba na ka longïing jong u Aristobulos.

Ka Shithi U Paul Sha Ki Nong Rom 16:3

Nga phah ïa ki jingkhublei ïa ka Priskila bad u Akwila, ki para nongtrei jong nga ha ka jingshakri ïa U Khrist Jisu;

Ka Shithi U Paul Sha Ki Nong Rom 16:7

Ki jingkhublei ruh ïa u Andronikos bad ka Junias, ki para Jiw kiba la ïadon lang bad nga ha byndi; ki long ïa kiba la ithuh bha hapdeng ki apostol, bad ki la long Khristan shuwa ïa nga.

Ka Shithi U Paul Sha Ki Nong Rom 16:9

Ki jingkhublei ruh ïa u Urbanos, uba ïatrei lem bad ngi ha ka kam U Khrist, bad ïa u Stakhos, u paralok ba-ieit jong nga.

Ka Shithi U Paul Sha Ki Nong Rom 6:12

Ka pop kam dei shuh ban synshar ïa ki met ki jong phi, da kaba pynkohnguh sha ki jingkwah jong ka jinglong tynrai jong phi.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:12

Te kumta, ko ki parabangeit jong nga, ngi don ka kamram kaba ngi dei ban leh, hynrei kam dei ïa ngi ban im kat kum ka jingkwah jong ka jinglong ba kynja doh jong ngi.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

1 KORINTH 15:16

Naba lada ïa kiba ïap yn ym pynmihpat, te ïa U Khrist ruh ym shym la pynmihpat.

1 KORINTH 6:14

U Blei u la pynmihpat ïa U Trai na ka jingïap, bad un pynmihpat ruh ïa ngi da ka bor jong u.

2 KORINTH 4:11

Ha shi lynter ka jingim, ngi don ha tmier jong ka jingïap na ka bynta U Jisu, khnang ba yn ïohi ïa ka jingim jong u ha kane ka met baïap jong ngi.

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

2 KORINTH 5:4

Katba ngi dang shong ha kane ka ïingjaiñ kaba na kane ka khyndew, ngi ud sat da ka jingsngew ba shah banbeiñ; kam dei ba ngi kwah ban lait noh na ka met kaba na ka khyndew, hynrei ba ngi kwah ban ïoh noh ban phong da kata kaba kynja bneng, khnang ba ïa kata kaba ïap yn ïoh pynkylla dur noh da kaba im.

GALATIA 6:8

Lada u bet ha ka lyngkha jong ki jingkwah brai ka doh jong u, na ka un lum ïa ka jingot ka jingïap; lada u bet ha ka lyngkha U Mynsiem, na U Mynsiem un lum ïa ka jingot jong ka jingim bymjukut.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

PHILIPPI 3:21

U ban pynkylla ïa ki met batlot jong ngi bad pynlong ïa ki kum ka met ba-dap da ka burom jong u hi, da kata ka bor da kaba u lah ban wallam ïa kiei kiei baroh hapoh ka jingsynshar jong u.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 11:11

Hadien lai sngi shiteng, ka jingpyrsad mynsiem ba ai jingim ka la wan na U Blei bad ka la rung ha ki, bad ki la ïeng joit; bad baroh kiba la ïohi ïa ki, ki la sngewtriem.