Ka Shithi U Paul Sha Ki Nong Rom 8:1 - Khasi CL Bible (BSI)

¹ Ym don jingpynrem shuh mynta na ka bynta kito kiba im ha U Khrist Jisu.

KA BAIBL

¹ Namar kata, mynta, ym don ka jingpynrem ïa kita kiba ha U Khrist Jisu, ki bymïaid katba kum ka doh, hynrei, katba kum U Mynsiem.

Ka Shithi U Paul Sha Ki Nong Rom 8:1 ပူးပေါင်းရင်းမြစ်များ

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ESEKIEL 18:9

Uba kum une u briew u kohnguh ïa ki hukum jong nga bad u sumar biang biang ïa ki aiñ jong nga. U long uba hok, bad un im,” ong U Trai Nongsynshar.

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 15:4

To ïaineh ha nga, bad ngan ïaineh ha phi. Ka tnat kam lah ban seisoh da lade hi; ka lah ban seisoh tang lada ka ïaineh ha u dieng sohwaiñ. Ha kajuh ka rukom, phi ruh phim lah ban seisoh lymda phi ïaineh ha nga.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

Ka Shithi U Paul Sha Ki Nong Rom 16:3

Nga phah ïa ki jingkhublei ïa ka Priskila bad u Akwila, ki para nongtrei jong nga ha ka jingshakri ïa U Khrist Jisu;

Ka Shithi U Paul Sha Ki Nong Rom 16:7

Ki jingkhublei ruh ïa u Andronikos bad ka Junias, ki para Jiw kiba la ïadon lang bad nga ha byndi; ki long ïa kiba la ithuh bha hapdeng ki apostol, bad ki la long Khristan shuwa ïa nga.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

Ka Shithi U Paul Sha Ki Nong Rom 5:16

Bad ka don ka jingïapher hapdeng ka jingai sngewbha U Blei bad ka pop jong uwei u briew. Hadien jong kata kawei ka pop, la wan ka jingbishar ïa “Kiba pop;” hynrei hadien ki pop kiba bun bah, ka wan ka jingai sngewbha kaba ngim don hok, ka jong “Uba khlem pop!”

Ka Shithi U Paul Sha Ki Nong Rom 7:17

Kumta ngam long shisha uta uba leh ïa kane kaei kaei; pynban, ka dei ka pop kaba im hapoh jong nga.

Ka Shithi U Paul Sha Ki Nong Rom 7:20

Lada nga leh ïa kaei kaba ngam kwah ban leh, kane ka mut ba ngam long shuh uta uba leh ïa kata; pynban, ka dei ka pop kaba im hapoh jong nga.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 8:14

Kito ïa kiba la ïalam da U Mynsiem U Blei, ki long ki khun U Blei.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

Ka Shithi U Paul Sha Ki Nong Rom 8:39

lymne ka pyrthei shalor lymne ka pyrthei sha tbian — ym don kano kano ha ki jingthaw baroh ki ban lah lano lano ruh ban pynïakhlad ïa ngi na ka jingieit U Blei kaba ha ngi lyngba U Khrist Jisu uba U Trai jong ngi.

Ka Shithi U Paul Sha Ki Nong Rom 8:4

U Blei u la leh ïa kane khnang ba ïa ki jingdawa bahok jong ka Hukum yn pyndep nadong shadong ha ngi kiba im kat kum U Mynsiem, bad ym kat kum ka jinglong ba kynja doh.

Ka Shithi U Paul Sha Ki Nong Rom 8:9

Hynrei phim im kumba ka jinglong ba kynja doh jong phi ka ong ïa phi ban leh; pynban, phi im kumba U Mynsiem u ong ïa phi ban leh — lada, shisha, U Mynsiem U Blei u don hapoh jong phi. Uno uno u bym don ïa U Mynsiem jong U Khrist, um long u jong u.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 15:22

Naba kumba ki briew baroh ki ïap namar ka jingïadei jong ki ha u Adam, kumjuh ruh ïa baroh yn pynmihpat namar ka jingïadei jong ki ha U Khrist.

2 KORINTH 12:2

Nga ithuh ïa u briew uba ngeit ïa uba khatsaw snem mynshuwa la rong noh sha ka bneng kaba jrong tam (ngam tip la kane ka da jia shisha ne u la ïoh ïa ka jingïohipaw — tang U Blei uba tip).

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

GALATIA 3:26

Ka dei lyngba ka jingngeit ba phi baroh phi long ki khun U Blei ha U Khrist Jisu.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

GALATIA 5:16

Kane ka long kaei kaba nga ong: Shah ïa U Mynsiem ba un pynïaid ïa ki jingim jong phi, bad phin ym pynhun ïa ki jingkwah brai jong ka doh.

GALATIA 5:25

U Mynsiem u la ai ha ngi ka jingim, u dei ruh ban synshar ïa ki jingim jong ngi.

EPHESOS 1:1

Na u Paul, uba da ka mon U Blei u long u Apostol jong U Khrist Jisu — Sha ki briew jong U Blei ha Ephesos, kiba ïeng skhem ha ka jingim jong ki ha U Khrist Jisu:

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.