Ka Shithi U Paul Sha Ki Nong Rom 7:5 - Khasi CL Bible (BSI)

⁵ Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

KA BAIBL

⁵ Namar mynba ngi dang long ha ka doh, kita ki jingkwah brai ki jong ka pop, ïa kiba la pynkynroi da kata ka hukum, ki la ïatrei shait ha ki dkhot met jong ngi ïa ka ban sei soh sha ka jingïap.

Ka Shithi U Paul Sha Ki Nong Rom 7:5 ပူးပေါင်းရင်းမြစ်များ

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

ÏOANNIS 3:6

Ïa u briew la kha ha ka doh na ki kmie ki kpa kiba long ki briew, hynrei la kha ha kaba kynja mynsiem na U Mynsiem.

Ka Shithi U Paul Sha Ki Nong Rom 1:26

Namar ba ki leh ïa kane, U Blei u la ai noh ïa ki sha ki jingkwah brai bakhlemrain. Wat ki kynthei ki la pynbakla noh ïa ka jingpyndonkam kaba dei kat kum ka rukom ha ka jingshongkurim da ki jingleh ki bym dei kat kum ka rukom.

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

Ka Shithi U Paul Sha Ki Nong Rom 4:15

Ka Hukum ka pynjem ïa ka jingbitar U Blei; hynrei hangno hangno ka ha bym don ka Hukum, ym don ka jingbymkohnguh ïa ka hukum.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

Ka Shithi U Paul Sha Ki Nong Rom 6:19

(Nga pyndonkam ka ktien kaba ïakren man ka sngi namar ka jingtlot jong ka jingim tynrai jong phi.) Mynshuwa phi la pyndem ïa lade nadong shadong kum ki mraw ka jingbymkhuid bad ka jingbymman na ka bynta ki jingthmu bymman. Ha kajuh ka rukom mynta phi dei ban pyndem ïa lade nadong shadong kum ki mraw jong ka hok na ka bynta ki jingthmu bakhuid.

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

Ka Shithi U Paul Sha Ki Nong Rom 7:23

Hynrei nga ïohi ïa ka hukum kaba pher kaba trei hapoh ka met jong nga — ka hukum kaba ïaleh pyrshah ïa ka hukum kaba ka jingmut jong nga ka mynjur. Ka pynlong ïa nga u koidi ïa ka hukum jong ka pop kaba trei ha ka met jong nga.

1 KORINTH 15:56

Ka jingïap ka ïoh na ka pop ïa ka bor ban pynmong, bad ka pop ka ïoh ïa ka bor jong ka na ka Hukum.

2 KORINTH 10:3

Ka long kaba shisha ba ngi im ha ka pyrthei, hynrei ngim ïaleh na ki jingthmu ba kynja pyrthei.

GALATIA 3:10

Kita kiba shaniah ha kaba kohnguh ïa ka Hukum ki im hapoh ka jingtim. Naba ka Jingthoh Bakhuid ka ong, “Uno uno ruh u bym ïai kohnguh ïa baroh kaba la thoh ha ka kitab ka Hukum u long hapoh ka jingtim U Blei!”

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 2:11

Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

JAKOB 1:15

Nangta ki jingkwah brai jong u ki pun hapoh jong u bad ka jingmih ka long ban leh ïa ka pop; bad ka pop, haba ka la ih bha, ka pynmih ïa ka jingïap.

JAKOB 4:1

Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.

1 ÏOANNIS 3:4

Uno uno uba leh pop, u long ba la pynrem ha kaba pynkheiñ ïa ka hukum U Blei, namar ka pop ka dei ka jingpynkheiñ ïa ka hukum.