Ka Shithi U Paul Sha Ki Nong Rom 7:4 - Khasi CL Bible (BSI)

⁴ Ka long kumta bad phi, ko ki parabangeit jong nga. Ha ka jingïadei bad ka hukum, ma phi ruh phi la ïap namar phi long ka bynta jong ka met U Khrist; bad mynta phi long ki jong u, uta ïa uba la pynmihpat na ka jingïap khnang ba ngi lah ban long kiba U Blei u lah ban pyndonkam na ka bynta ka kam jong u.

KA BAIBL

⁴ Kumjuh te ma phi, ko ki para jong nga, la pynlong ïap ïa phi ruh ïa kata ka hukum da ka met U Khrist; khnang ba phin ïoh kurim bad uwei pat, bad uta keiñ ïa uba la pynmih pat na ki baïap, ba kumta, ngin ïoh sei soh sha U Blei.

Ka Shithi U Paul Sha Ki Nong Rom 7:4 ပူးပေါင်းရင်းမြစ်များ

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

MATHAÏOS 26:26

Katba ki dang ïabam, U Jisu u la shim shi lyngkhot u kpu, u la duwai ainguh, u la kdiah ïa u, bad u la ai ïa u ha ki synran jong u. “To shim bad to bam ïa u,” u la ong; “une u long ka met jong nga.”

MARKOS 4:20

Hynrei kiwei pat ki briew ki long kum ki symbai ba la bet ha ka khyndew kaba bha. Ki ïohsngew ïa ka khubor, ki pdiang ïa ka, bad ki seisoh: katto katne laiphew, katto katne hynriewphew, bad katto katne shispah.”

ÏOANNIS 15:8

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

Ka Shithi U Paul Sha Ki Nong Rom 6:11

Ha kajuh ka rukom phin pyrkhat ïa lade kum kiba la ïap, ha ka jingïadei bad ka pop, hynrei kiba im ha ka jingïasyllok bad U Blei lyngba U Khrist Jisu.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 6:2

Kam long kumta! Ngi la ïap ïa ka pop — kumno te ngi lah ban ïai im ha ka?

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

Ka Shithi U Paul Sha Ki Nong Rom 7:3

Kumta te, lada ka ïashong bad uwei pat u briew katba u tnga jong ka u dang im; yn khot ïa ka, ka briew kaba klim; hynrei lada u tnga jong ka u la ïap, kat kum ka aiñ ka long ka briew ba la laitluid bad kam leh ïa ka jingklim haba ka shongkurim ïa uwei pat.

Ka Shithi U Paul Sha Ki Nong Rom 7:6

Mynta pat, ngi la lait na ka Hukum, namar ngi la ïap noh ïa kata kaba shisien ka la khum ïa ngi kum ki koidi. Ngim shakri shuh ha ka rukom barim jong ka hukum ba la thoh, hynrei ha ka rukom bathymmai jong U Mynsiem.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 10:16

Ka khuri kaba ngi pyndonkam ha ka Jingkhawai U Trai bad ïa kaba ngi ainguh ïa U Blei: Haba ngi dih na ka, ngi ïoh bynta lem ha ka snam U Khrist. Bad u kpu uba ngi kdiah: Haba ngi bam ïa u, ngi ïoh bynta lem ha ka met U Khrist.

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

GALATIA 5:18

Lada U Mynsiem u ïalam ïa phi, te phim long shuh hapoh ka Hukum.

EPHESOS 2:15

U la pynduh ïa ka hukum ki Jiw da la ki jong ki hukum bad ki kyndon, khnang ban ïoh pynlong ïa ki ar tylli ki jaitbynriew kawei ka jaitbynriew kaba thymmai ha u hi, ha kane ka rukom u wanrah jingsuk.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

PHILIPPI 4:17

Ym dei tang namar ba nga shu kwah ban ïohpdiang ïa ki jingai sngewbha jong phi; pynban, nga kwah ban ïohi ba la pynlang ïa ka jingïohnong ha ka jingbuh jingkheiñ jong phi.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

KOLOSSAI 1:22

Hynrei mynta, da ka jingïap jong U Khun jong u ha kane ka doh, U Blei u la pynlong ïa phi ki paralok jong u, khnang ban pynïeng ïa phi, kiba khuid, kiba sngur, bad kiba khlem jingduna ha khmat jong u.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

KOLOSSAI 2:14

U Blei u la map ïa ngi ïa ki pop jong ngi baroh; u la pyndam noh ïa ka jingbuh jingthoh ka bymsngewtynnat ïa ki ram jong ngi lem bad ki kyndon jong ka kiba teh bad weng noh syndon ïa ka da kaba sah preg ïa ka ha ka diengphna.

KOLOSSAI 2:20

Phi la ïap bad U Khrist bad la pyllaitluid ïa phi na ki mynsiem kiba synshar ïa ka jingpynlong.

HEBRU 10:10

Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

JINGPYNPAW 19:7

To ngin ïarisa bad shadkmen; to ngin ïaroh ïa ka jingkhraw jong u! Naba ka por ka la poi na ka bynta ka jingshongkurim jong U Khunlangbrot, bad ka nongleitkurim jong u ka la pynkhreh ïa lade na ka bynta kata.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”