Ka Shithi U Paul Sha Ki Nong Rom 7:25 - Khasi CL Bible (BSI)

²⁵ Ka jingnguh ïa U Blei, uba leh ïa kane lyngba U Jisu Khrist uba U Trai jong ngi! Kane te, ka long ka jinglong jong nga: Da lade hi nga lah ban leh ïa ka hukum U Blei tang da ka jingmut jong nga, katba ka jinglong ba kynja doh jong nga ka leh ïa hukum jong ka pop.

KA BAIBL

²⁵ Nga ainguh ïa U Blei da U Jisu Khrist uba U Trai jong ngi! Kumta te, ma nga hi keiñ da kata ka jingmut shisha, nga shakri ïa ka hukum U Blei; hynrei, da kata ka doh, ïa ka hukum ka pop.

Ka Shithi U Paul Sha Ki Nong Rom 7:25 ပူးပေါင်းရင်းမြစ်များ

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

ISAÏAH 49:9

Ngan ong ha kiba shah set byndi, ‘Leit ha kaba laitluid!’ bad ïa kito kiba don ha ka jingdum, ‘Wan sha ka jingshai!’ Kin long kum ki langbrot kiba bam phlang halor ki lumrit;

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 15:57

Hynrei to long ka jingnguh ïa U Blei, uba ai ha ngi ïa ka jingjop thiaw lyngba U Jisu Khrist uba U Trai jong ngi!

2 KORINTH 9:15

To ngin ainguh ïa U Blei na ka bynta ka jingai jong u ka bym lah ban pynshongdor!

EPHESOS 5:20

Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.