Ka Shithi U Paul Sha Ki Nong Rom 7:21 - Khasi CL Bible (BSI)

²¹ Kumta nga shem ba kane ka hukum ka treikam; haba nga kwah ban leh ïa kaei kaba bha, kaei kaba sniew ka long tang ma ka, ka jingjied kaba nga don.

KA BAIBL

²¹ Nga shem te shaphang ka hukum, ba ha nga uba mon ban leh ïa ka babha, kata ka basniew ka don hi ha khmat.

Ka Shithi U Paul Sha Ki Nong Rom 7:21 ပူးပေါင်းရင်းမြစ်များ

SALM 119:133

Kumba me la kular, to sumar ïa nga na kaba kyllon; wat shah ïa nga ban jop da kaba sniew.

SALM 119:37

To sumar ïa nga na kaba pynleit jingmut ïa kaei ka bymdondor; to long uba bha ïa nga, kumba me la kular.

SALM 40:12

Ïa nga la ker sawdong da shibun ki jingjynjar — Shibun eh ban ñiew! ki pop jong nga ki la lap ïa nga, bad ngam lah shuh ban ïohi; ki kham bun ban ïa u shñiuh ha ka khlieh jong nga; bad nga la duh ka jingshlur jong nga.

SALM 65:3

namar ki pop jong ki. Ki jingduna jong ngi ki jop ïa ngi hynrei me map ïa ki.

LOUKAS 4:1

U Jisu u la wan phai na ka wah Jordan uba la dap da U Mynsiem Bakhuid bad la ïalam ïa u da U Mynsiem sha ka ri shyiap,

ÏOANNIS 8:34

U Jisu u la ong ha ki, “Nga ong ha phi ïa ka jingshisha: Uno uno uba leh pop u long u mraw ka pop.

Ka Shithi U Paul Sha Ki Nong Rom 6:12

Ka pop kam dei shuh ban synshar ïa ki met ki jong phi, da kaba pynkohnguh sha ki jingkwah jong ka jinglong tynrai jong phi.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 7:23

Hynrei nga ïohi ïa ka hukum kaba pher kaba trei hapoh ka met jong nga — ka hukum kaba ïaleh pyrshah ïa ka hukum kaba ka jingmut jong nga ka mynjur. Ka pynlong ïa nga u koidi ïa ka hukum jong ka pop kaba trei ha ka met jong nga.

Ka Shithi U Paul Sha Ki Nong Rom 7:25

Ka jingnguh ïa U Blei, uba leh ïa kane lyngba U Jisu Khrist uba U Trai jong ngi! Kane te, ka long ka jinglong jong nga: Da lade hi nga lah ban leh ïa ka hukum U Blei tang da ka jingmut jong nga, katba ka jinglong ba kynja doh jong nga ka leh ïa hukum jong ka pop.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

2 PETROS 2:19

Ki kular ha ki ïa ka jinglaitluid katba ma ki, ki long ki mraw jong ki jingmlien bapynjot — naba u briew u long u mraw ha kano kano kaba la jop ïa u.