Ka Shithi U Paul Sha Ki Nong Rom 7:18 - Khasi CL Bible (BSI)

¹⁸ Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

KA BAIBL

¹⁸ Namar nga tip ba ha nga, kata, ha ka doh jong nga, kam shong sah ei ei ka babha; namar ïa ka ban mon shisha, ka don eh ha nga; hynrei, ïa ka ban leh ïa kata ka babha, kam don.

Ka Shithi U Paul Sha Ki Nong Rom 7:18 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

Ka Kitab U Job 25:4

Hato don mano mano uba lah ban long uba hok bad uba khuid ha khmat U Blei?

SALM 119:173

To long borabor uba la kloi ban ïarap ïa nga, namar nga bud ïa ki hukum jong me.

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

SALM 119:32

Ngan kohnguh da kaba angnud eh ïa ki hukum jong me, namar men ai shuh shuh ka jingshemphang ïa nga.

SALM 119:40

Nga kwah ban kohnguh ïa ki hukum jong me; to ai ha nga ka jingim bathymmai, namar me long uba hok.

SALM 119:5

A katno nga kyrmen ba ngan long uba ïaineh ha kaba sumar ïa ki jingbthah jong me!

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

LOUKAS 11:13

Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

ÏOANNIS 3:6

Ïa u briew la kha ha ka doh na ki kmie ki kpa kiba long ki briew, hynrei la kha ha kaba kynja mynsiem na U Mynsiem.

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 7:15

Ngam shemphang kaei kaba nga leh; namar ngam leh ïa kaei kaba nga kwah ban leh, hynrei pynban nga leh ïa kaei kaba nga isih.

Ka Shithi U Paul Sha Ki Nong Rom 7:19

Ngam leh ïa kaba bha kaba nga kwah ban leh; pynban, nga leh ïa kaba sniew kaba ngam kwah ban leh.

Ka Shithi U Paul Sha Ki Nong Rom 7:25

Ka jingnguh ïa U Blei, uba leh ïa kane lyngba U Jisu Khrist uba U Trai jong ngi! Kane te, ka long ka jinglong jong nga: Da lade hi nga lah ban leh ïa ka hukum U Blei tang da ka jingmut jong nga, katba ka jinglong ba kynja doh jong nga ka leh ïa hukum jong ka pop.

Ka Shithi U Paul Sha Ki Nong Rom 7:5

Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

GALATIA 5:17

Ïa kaei kaba ka jinglong ba kynja briew jong ngi ka kwah ka long marpyrshah ïa kaei kaba U Mynsiem u kwah, bad kaei kaba U Mynsiem u kwah ka long marpyrshah ïa kaei kaba ka jinglong ba kynja briew jong ngi ka kwah. Kine ar ki ïalong nongshun, bad kane ka mut ba phim lah ban leh ïa kaei kaba phi kwah ban leh.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

PHILIPPI 3:12

Ngam shym la kam ba nga la ïoh jop lypa lane ba la pynlong janai lypa. Nga ïai ïaleh shitom ban ïoh ïa ka prais ïa kaba U Khrist Jisu u la ïoh ïa nga sha lade hi.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.