Ka Shithi U Paul Sha Ki Nong Rom 7:14 - Khasi CL Bible (BSI)

¹⁴ Ngi tip ba ka Hukum ka long kaba kynja mynsiem; hynrei nga long u briew uba kynja doh, ba la die kum u mraw ha ka pop.

KA BAIBL

¹⁴ Namar ngi tip keiñ, ba kata ka hukum ka long kaba kynja mynsiem; hynrei, ma nga, nga long uba kynja doh, ïa uba la die noh keiñ hapoh ka pop.

Ka Shithi U Paul Sha Ki Nong Rom 7:14 ပူးပေါင်းရင်းမြစ်များ

JENESIS 37:27

To ngin die noh ïa u ha kine ki nong Ishmael. Te ngim donkam ban pynmynsaw ïa u, naba u dei u para jong ngi, ka doh ka snam jong ngi hi.”

JENESIS 37:36

Ha kajuh ka por, ha Ijipt, ki Midian ki la die noh ïa u Joseph ha u Potiphar, uwei na ki rangbah synshar jong u syiem, uba dei u kapten jong ki nongap phira ïa ka ïingsyiem.

JENESIS 40:15

Nalor kiei kiei baroh, la rahbor ïa nga na ka ri jong ki Hebru; bad wat hangne ha Ijipt ngam shym la leh kano kano kaba nga dei hok ban shah set byndi.”

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 21:25

(Ym shym la don mano mano uba aiti lut ïa lade ban leh ïa ka bymdei ha khmat U Trai kum u Ahab — baroh da ka jingpynbor ka tnga jong u ka Jesebel.

2 SYIEM 17:17

Ki kñia ïa ki khun shynrang bad kynthei kum ki jingainguh thang sha ki blei thala; ki wad jingmut na ki nongleh byrtong bad ki nongpeit kti, bad ki aiti lut ïa lade ban leh ïa kaei kaba bakla ha khmat U Trai, bad kumta ki pynkhih bitar ïa U.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

SALM 119:25

Nga thiah ha ka jingshahjop ha ka khyndew; to pynkhie im biang ïa nga, kumba me la kular.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

PROBERB 30:2

Nga kham long kum u mrad ban kum u briew; ngam don ka jingshemphang kumba u briew u dei ban don.

PROBERB 30:5

“U Blei u bat man la ka kular ba u pynlong. U long kum ka stieh ïa baroh kiba wad ïa ka jingïada jong u.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 52:3

U Trai Nongsynshar u ong ha la ki briew, “Mynba phi la long ki mraw, ym shym la siew pisa na ka bynta jong phi; ha kajuh ka rukom yn ym siew ei ei ban pyllaitluid ïa phi.

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

LEBITIKOS 13:12

Lada kata ka jingpang 'ñiangthohlieh ka la pur ha ka met jong u naduh khlieh haduh kjat,

LEBITIKOS 13:16

Hynrei haba kata ka prum ka la jem bad ka la kylla lieh biang, uta u briew u dei ban leit sha u lyngdoh, u ban khmih bniah biang ïa u.

LEBITIKOS 19:18

Wat pynhiarkput ïano ïano lane ban ïai isih ïa u, hynrei ieit ïa la u paramarjan kumba phi ieit ïa lade. Nga long U Trai.

AMOS 2:6

U Trai u ong, “Ki paid Israel ki la ïai leh pop, bad na ka bynta kane ngan pynshitom da shisha ïa ki. Ki die sha ka jinglongmraw ïa ki briew kiba hok ki bym lah siew pat ïa ki ram jong ki, ki briew kiba duk ki bym lah siew pat wat ïa ka dor shi jur ki juti.

MATHAÏOS 16:23

U Jisu u la phai bad u la ong ha u Petros, “Khie noh na nga, ko Soitan! Me long u maw jynthut ha ka lynti jong nga, namar kine ki jingpyrkhat jong me kim shym wan na U Blei, hynrei na u briew.”

MATHAÏOS 18:25

U shakri um shym don shibun ban siew ïa ka ram jong u, kumta u syiem u la hukum ba ïa uta dei ban die mraw noh, ïa ka tnga bad ki khun jong u bad baroh kiba u la don khnang ban siew ïa ka ram.

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MATHAÏOS 5:28

Hynrei mynta nga ong ha phi: uno uno uba khmih ïa ka briew bad kwah ban ïoh ïa ka u la hap ha ka jingpynrem jong ka jingklim bad ka hapoh ka dohnud jong u.

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

LOUKAS 7:6

Kumta U Jisu u la leit bad ki. Um shym da jngai na ka ïing mynba u rangbah pynïaidkam u la phah ïa ki paralok ban ong ha U, “Kynrad, wat pynshitom ïa lade. Ngam dei hok ban pdiang ïa me ha ka ïing jong nga,

Ka Shithi U Paul Sha Ki Nong Rom 3:9

Haba kumta, hato ma ngi ki Jiw ngi don ha kano kano ka bynta kaba kham bha ban ïa ki Jentil? Ym kumta! Nga la lah pyn-i ba ki Jiw bad ki Jentil ki long kumjuh baroh hapoh ka bor jong ka pop.

Ka Shithi U Paul Sha Ki Nong Rom 6:6

Bad ngi tip ba ïa ka jinglong barim jong ngi la pynïap noh bad U Khrist halor ka diengphna, khnang ba ïa ka bor jong ka jinglong pop jong ngi, yn pynjot noh, khnang ba ngin ym long shuh ki mraw jong ka pop.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

GALATIA 4:3

Ha kajuh ka rukom, ngi ruh ngi la ju long ki mraw ha kiwei pat ki bor mynsiem kiba synshar ïa ka pyrthei shuwa ba ngin poi ka jinglong rangbah ba kynja mynsiem.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

DEUTERONOMI 6:5

Phin ieit ïa U Trai U Blei jong phi da ka dohnud jong phi baroh, da ka mynsiem jong phi baroh, bad da ka bor jong phi baroh.

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.