Ka Shithi U Paul Sha Ki Nong Rom 7:11 - Khasi CL Bible (BSI)

¹¹ Ka pop ka la ïoh ïa ka lad, bad da ka lad jong ka hukum, ka la shukor ïa nga bad ka la pynïap ïa nga.

KA BAIBL

¹¹ Namar kata ka pop haba ka la ïoh dong, da kata ka adong ka la shukor ïa nga, bad da kata ka la pynïap noh ïa nga.

Ka Shithi U Paul Sha Ki Nong Rom 7:11 ပူးပေါင်းရင်းမြစ်များ

JENESIS 3:13

Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

ISAÏAH 44:20

Ka long ka jingsngewthuh kumba bam dpei. Ki jingmut ba-bieit jong u ki la ïalam bakla ïa u ha kaba u don sha lyndet ka jingïarap. Un ym pdiang ha lade ba ka bleithaw ba u bat ha ka kti jong u kam long satia ka blei.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

OBADAÏAH 1:3

Ka jingsarong jong pha ka la shukor ïa pha. Ka nongbah jong pha ka long ka kut mawsiang baskhem; ka ïing jong pha ka don ha kliar ki lumbah, bad kumta phi ong ha lade, ‘Uei uba lah ban pynhiar ïa nga sha tbian?’

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

Ka Shithi U Paul Sha Ki Nong Rom 7:13

Hynrei hato kane ka mut ba kaei kaba bha ka pynlong ïa ka jingïap ïa nga? Ym kumta! Ka dei ka pop kaba pynlong ïa kata; da kaba pyndonkam ïa kaei kaba bha, ka pop ka la wallam ka jingïap ïa nga, khnang ba ïa kata ka jinglong bashisha jong ka pop yn pynpaw. Bad kumta, lyngba ka hukum, ïa ka pop la pynpaw ba ka long kaba kham shyrkhei.

Ka Shithi U Paul Sha Ki Nong Rom 7:8

Hynrei da kata ka hukum, ka pop ka la ïoh ka lad ban pynkhih ïa baroh ki jait jingkwah khwan myntoi kiba ha nga. Ha bym don ka hukum, ka pop ka long kaei kaei kaba ïap.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

JAKOB 1:26

Hato don uno uno uba pyrkhat ba u long uba riewblei? Lada um synshar ïa la u thylliej, ka jinglong riewblei jong u kam myntoi bad u shukor ïa lade.