Ka Shithi U Paul Sha Ki Nong Rom 7:10 - Khasi CL Bible (BSI)

¹⁰ Bad ka hukum kaba dei ban wallam jingim, ha nga, ka la wallam ka jingïap.

KA BAIBL

¹⁰ Te kata ka adong ïa kaba la buh khnang ïa ka ban pynim, ïa kata keiñ, nga la shem ba ka long ïa ka ban pynïap.

Ka Shithi U Paul Sha Ki Nong Rom 7:10 ပူးပေါင်းရင်းမြစ်များ

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

LEBITIKOS 18:5

Bud ïa ki rukom leh bad ki hukum kiba nga ai ha phi; da kaba leh kumta, phin ïoh im. Nga long U Trai.”

Ka Shithi U Paul Sha Ki Nong Rom 10:5

U Moses u la thoh ïa kane, shaphang ka jingïadei bad U Blei da kaba kohnguh ïa ka Hukum: “Uno uno uba kohnguh ïa ki aiñ jong ka Hukum un ïap.”

Ka Shithi U Paul Sha Ki Nong Rom 4:15

Ka Hukum ka pynjem ïa ka jingbitar U Blei; hynrei hangno hangno ka ha bym don ka Hukum, ym don ka jingbymkohnguh ïa ka hukum.

Ka Shithi U Paul Sha Ki Nong Rom 7:9

Ma nga, shisien nga la im khlem ka hukum; hynrei haba ka hukum ka la wan, ka pop ka khie im, bad nga la ïap.

2 KORINTH 3:7

Ïa ka Hukum la oh dur da ki dak halor ki mawlyngkniap, bad ka burom U Blei ka la wan hiar mynba la ai ïa ka. Wat la ka jingtyngshaiñ ha ka durkhmat u Moses ka la sdang ban lip noh, ka la long kaba khlaiñ haduh katta katta ba ki paid Israel kim shym lah ban peit shlip ïa la ki khmat ha u.

GALATIA 3:12

Hynrei ka Hukum kam don ei ei ban leh bad ka jingngeit. Pynban kumba ka Jingthoh Bakhuid ka ong, “Jar uba leh ïa baroh ïa kaba ka hukum ka dawa un ïoh im.”