Ka Shithi U Paul Sha Ki Nong Rom 6:5 - Khasi CL Bible (BSI)

⁵ Naba naduh ba ngi la long kawei bad u ha ka jingïap kum ma u, ha kajuh ka rukom ngin ïalong kawei bad u ha ka jingmihpat kum ma u.

KA BAIBL

⁵ Namar, lada la pynïabsap lem ïa ngi ha ka jingsyriem kata ka jingïap jong u, kumta ruh, ngin ïoh long ha kata ka jingsyriem ka jingmihpat jong u:

Ka Shithi U Paul Sha Ki Nong Rom 6:5 ပူးပေါင်းရင်းမြစ်များ

SALM 92:13

Ki long kum ki dieng ba la thung ha ka ïing jong U Trai, kiba roi ha ka Templ jong U Blei jong ngi,

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

MATHAÏOS 15:13

“Ïa u jingthung baroh ïa uba U Kpa jong nga uba ha bneng um shym la thung, yn rat noh,” la jubab U Jisu.

ÏOANNIS 12:24

Nga ïathuh ïa phi ïa ka jingshisha: U symboh kew u ïaisah hi tang shi symboh lymda la pynhap ïa u ha ka khyndew bad u ïap. Lada u da ïap, te u sei shibun ki sohkew.

2 KORINTH 4:10

Ha ki por baroh ngi kit halor ki met baïap jong ngi ïa ka jingïap U Jisu, khnang ba ka jingim jong u ruh kan paw ha ki met jong ngi.

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

KOLOSSAI 3:1

Ïa phi la pynmihpat lem bad U Khrist, kumta pynbeit ïa ka dohnud jong phi ha kiei kiei kiba ha bneng, ha kaba U Khrist u shong ha la ka khet ha ka liang kamon jong U Blei.