Ka Shithi U Paul Sha Ki Nong Rom 6:23 - Khasi CL Bible (BSI)

²³ Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

KA BAIBL

²³ Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

Ka Shithi U Paul Sha Ki Nong Rom 6:23 ပူးပေါင်းရင်းမြစ်များ

JENESIS 2:17

lait noh u dieng uba ai jingtip ïa kaba bha bad ïa kaba sniew. Mem bit ban bam ïa u soh jong uta u dieng, lada me bam, men ïap ha kata hi ka sngi.”

JENESIS 3:19

Men hap trei shitom bad jaw syep ban pynlong ïa ka khyndew ban pynmih ei ei, tad haduh ba men da leit phai pat sha ka khyndew na kaba la thaw ïa me. La thaw ïa me na ka dewmet, bad men sa kylla dewmet sa shisien pat.”

PROBERB 11:19

Uno uno uba kut jingmut ban leh ïa kaba dei un im, hynrei uno uno uba ïai beh ban leh ïa kaba sniew un ïap.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

ISAÏAH 3:9

Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

ESEKIEL 18:20

Ka dei ïa uta uba leh pop ban ïap. U khun um dei ban shahshitom namar ki pop jong u kpa jong u, lymne u kpa namar ka pop jong u khun jong u. Yn ai bainong ïa u briew uba bha namar ka jinglehbha, bad u briew uba sniew un shahshitom namar ka jingsniew kaba u leh.

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

ÏOANNIS 10:28

Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 4:36

Uta uba ot u ïoh la ka bainong bad u lum ïa ka jingmih na ka bynta ka jingim bymjukut; ba uta uba bet bad uta uba ot kin ïakmen lang.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 5:12

Ka pop ka la wan sha ka pyrthei lyngba uwei u briew, bad ka pop jong u ka la wallam ryngkat bad ka ïa ka jingïap. Ka jingmih ka long, ba ka jingïap ka la pur sha u bynriew baroh namar uwei pa uwei u la leh pop.

Ka Shithi U Paul Sha Ki Nong Rom 5:17

Ka long ka jingshisha ba lyngba ka pop jong uwei u briew, ka jingïap ka la sdang ban synshar, namar jong uta uwei u briew. Hynrei katno kaba kham khraw ka long ka jingmih jong kaei kaba la leh da uwei u briew, U Jisu Khrist! Baroh kiba ïohpdiang ïa jingaiei bakyrhai U Blei bad ba la pynïasuk bad u kin synshar ha ka jingim lyngba U Khrist.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 6:16

Da shisha phi tip ba haba phi pyndem ïa lade kum ki mraw ban kohnguh ïano ïano, ha ka jingshisha, phi long ki mraw jong u kynrad uba phi kohnguh — lada ka long ka pop, kaba ka jingmih ka long ka jingïap, lane ka jingkohnguh, kaba ka jingmih ka long ka jingïasuk bad U Blei.

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!

Ka Shithi U Paul Sha Ki Nong Rom 8:13

Naba lada phi im kat kum ka jinglong ba kynja doh, phin sa ïap; hynrei lada da U Mynsiem phi pynïap noh ïa ki jingleh ka pop, phin im.

Ka Shithi U Paul Sha Ki Nong Rom 8:38

Naba nga long thikna ba ym don kaba lah ban pynïakhlad ïa ngi na ka jingieit jong u: Ym ka jingïap lymne ka jingim, lymne ki angel, lymne kiwei ki nongsynshar ba kynja bneng lane ki bor lymne jong kaba mynta lymne ka ban sa wan,

Ka Shithi U Paul Sha Ki Nong Rom 8:39

lymne ka pyrthei shalor lymne ka pyrthei sha tbian — ym don kano kano ha ki jingthaw baroh ki ban lah lano lano ruh ban pynïakhlad ïa ngi na ka jingieit U Blei kaba ha ngi lyngba U Khrist Jisu uba U Trai jong ngi.

Ka Shithi U Paul Sha Ki Nong Rom 8:6

Kaba shah synshar ha ka jinglong ba kynja doh, ka ïalam sha ka jingïap; kaba shah synshar ha U Mynsiem, ka ïalam sha ka jingim bad ka jingsuk.

GALATIA 3:10

Kita kiba shaniah ha kaba kohnguh ïa ka Hukum ki im hapoh ka jingtim. Naba ka Jingthoh Bakhuid ka ong, “Uno uno ruh u bym ïai kohnguh ïa baroh kaba la thoh ha ka kitab ka Hukum u long hapoh ka jingtim U Blei!”

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

JAKOB 1:15

Nangta ki jingkwah brai jong u ki pun hapoh jong u bad ka jingmih ka long ban leh ïa ka pop; bad ka pop, haba ka la ih bha, ka pynmih ïa ka jingïap.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”