Ka Shithi U Paul Sha Ki Nong Rom 6:14 - Khasi CL Bible (BSI)

¹⁴ Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

KA BAIBL

¹⁴ Namar, ka pop kan ym don bor shuh halor jong phi: naba phim long hapoh ka hukum, hynrei, hapoh ka jingaiei.

Ka Shithi U Paul Sha Ki Nong Rom 6:14 ပူးပေါင်းရင်းမြစ်များ

LEBITIKOS 25:41

Ynda poi kata ka por, ma u bad ki khun ki kti jong u kin ïamihnoh na phi bad kin leit phai sha la ka jong ka longïing bad sha ka jaka ki kpa tymmen jong u.

MIKAH 7:19

Men long uba leh-isynei sa shisien pat. Men ïuh ha ki kjat ïa ki pop jong ngi bad ñiat ïa ki sha trai jong ka duriaw!

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 8:36

Lada U Khun u pyllaitluid ïa phi, te phin long da shisha kiba laitluid.

Ka Shithi U Paul Sha Ki Nong Rom 11:6

Ïa ka jingjied jong u la pynshong nongrim ha ka jingaiei jong u, ym ha kaei kaba ki la leh. Namar lada ïa ka jingjied U Blei la pynshong nongrim ha kaei kaba ki briew ki leh, te ka jingaiei jong u kan ym long ka jingaiei bashisha.

Ka Shithi U Paul Sha Ki Nong Rom 4:16

Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

Ka Shithi U Paul Sha Ki Nong Rom 5:17

Ka long ka jingshisha ba lyngba ka pop jong uwei u briew, ka jingïap ka la sdang ban synshar, namar jong uta uwei u briew. Hynrei katno kaba kham khraw ka long ka jingmih jong kaei kaba la leh da uwei u briew, U Jisu Khrist! Baroh kiba ïohpdiang ïa jingaiei bakyrhai U Blei bad ba la pynïasuk bad u kin synshar ha ka jingim lyngba U Khrist.

Ka Shithi U Paul Sha Ki Nong Rom 5:18

Kumta te, kumba da kawei ka pop la pynrem ïa u bynriew baroh, ha kajuh ka rukom kawei ka kam bahok ka pyllait bad ka ai jingim ïa u bynriew baroh.

Ka Shithi U Paul Sha Ki Nong Rom 6:12

Ka pop kam dei shuh ban synshar ïa ki met ki jong phi, da kaba pynkohnguh sha ki jingkwah jong ka jinglong tynrai jong phi.

Ka Shithi U Paul Sha Ki Nong Rom 6:15

Kaei te ngin ïa-ong? Hato ngin leh pop, namar ngim long hapoh ka hukum hynrei hapoh ka jingaiei U Blei? Ym kumta!

Ka Shithi U Paul Sha Ki Nong Rom 8:12

Te kumta, ko ki parabangeit jong nga, ngi don ka kamram kaba ngi dei ban leh, hynrei kam dei ïa ngi ban im kat kum ka jingkwah jong ka jinglong ba kynja doh jong ngi.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

GALATIA 3:23

Hynrei ha shuwa ka por ba ka jingngeit kan wan, ka Hukum ka set ïa ngi baroh kum ki koidi tad haduh ban da pynpaw ïa kane ka jingngeit.

GALATIA 4:21

Shah ïa nga ban kylli ïa kito na phi kiba kwah ban im hapoh ka Hukum: Hato phim ïohsngew aïu ka Hukum ka ong?

GALATIA 5:18

Lada U Mynsiem u ïalam ïa phi, te phim long shuh hapoh ka Hukum.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 8:10

Mynta, kane ka long ka jutang ïa kaba ngan pynlong bad ki paid Israel ha ki sngi ki ban wan, ong U Trai: Ngan buh ïa ki hukum jong nga ha ki jingmut jong ki, bad ngan thoh ïa ki ha ki dohnud jong ki; ngan long U Blei jong ki, bad ki kin long u paidlang jong nga.