Ka Shithi U Paul Sha Ki Nong Rom 6:13 - Khasi CL Bible (BSI)

¹³ Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

KA BAIBL

¹³ lymne wat aiti noh ïa ki dkhot met jong phi ha ka pop kum ki atiar ka jingbymhok: hynrei, to aiti noh ïa lade ha U Blei kum kiba la im na ki baïap, bad ïa kita ki dkhot met jong phi ha U Blei kum ki atiar ka hok.

Ka Shithi U Paul Sha Ki Nong Rom 6:13 ပူးပေါင်းရင်းမြစ်များ

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

SALM 37:30

Ki ktien u briew uba bha ki long ka jingstad, bad u long borabor uba shai.

PROBERB 12:18

Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

LOUKAS 15:24

Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

Ka Shithi U Paul Sha Ki Nong Rom 6:11

Ha kajuh ka rukom phin pyrkhat ïa lade kum kiba la ïap, ha ka jingïadei bad ka pop, hynrei kiba im ha ka jingïasyllok bad U Blei lyngba U Khrist Jisu.

Ka Shithi U Paul Sha Ki Nong Rom 6:16

Da shisha phi tip ba haba phi pyndem ïa lade kum ki mraw ban kohnguh ïano ïano, ha ka jingshisha, phi long ki mraw jong u kynrad uba phi kohnguh — lada ka long ka pop, kaba ka jingmih ka long ka jingïap, lane ka jingkohnguh, kaba ka jingmih ka long ka jingïasuk bad U Blei.

Ka Shithi U Paul Sha Ki Nong Rom 6:19

(Nga pyndonkam ka ktien kaba ïakren man ka sngi namar ka jingtlot jong ka jingim tynrai jong phi.) Mynshuwa phi la pyndem ïa lade nadong shadong kum ki mraw ka jingbymkhuid bad ka jingbymman na ka bynta ki jingthmu bymman. Ha kajuh ka rukom mynta phi dei ban pyndem ïa lade nadong shadong kum ki mraw jong ka hok na ka bynta ki jingthmu bakhuid.

Ka Shithi U Paul Sha Ki Nong Rom 7:23

Hynrei nga ïohi ïa ka hukum kaba pher kaba trei hapoh ka met jong nga — ka hukum kaba ïaleh pyrshah ïa ka hukum kaba ka jingmut jong nga ka mynjur. Ka pynlong ïa nga u koidi ïa ka hukum jong ka pop kaba trei ha ka met jong nga.

Ka Shithi U Paul Sha Ki Nong Rom 7:5

Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

1 KORINTH 6:15

Phi tip ba ki met jong phi ki long ki dkhot jong ka met U Khrist. Hato ngan shim noh shi lyngkhot na ka met U Khrist bad pynlong ïa ka shi bynta jong ka met jong ka nuti? Kam lah ban long!

1 KORINTH 6:20

Phim long la u jong hi hynrei jong U Blei; u la thied ïa phi da ka dor. Kumta to pyndonkam ïa ki met jong phi na ka bynta ka burom jong U Blei.

1 KORINTH 6:9

Shisha phi tip ba ki bymman kin ym ïohkynti ïa ka Hima U Blei. To wat shukor ïa lade; ki briew kiba awria lane kiba mane ïa ki bleithaw lane kiba klim lane kiba leh khyllah para shynrang

2 KORINTH 10:4

Ki atiar kiba ngi pyndonkam ha ka jingïaleh jong ngi kim long ki atiar jong ka pyrthei hynrei ki atiar kiba donbor jong U Blei, ïa kiba ngi pyndonkam ban pynpra ïa ki kut baskhem.

2 KORINTH 5:14

La synshar ïa ngi da ka jingieit U Khrist, mynta ba ngi tip ba uwei u briew u la ïap na ka bynta jong uwei pa uwei, kaba mut ba baroh ki ïoh bynta lang ha ka jingïap jong u.

2 KORINTH 5:15

U la ïap na ka bynta baroh, khnang ba kito kiba im kim dei shuh ban im na ka bynta ïa lade, hynrei tang na ka bynta jong uta uba la ïap bad ba la pynmihpat na ka bynta jong ki.

2 KORINTH 8:5

Ka la long palat ban ïa kaba ngi la khmih lynti! Nyngkong ki la aiti ïa lade ha U Trai; bad nangta, da ka mon U Blei ki la aiti ïa lade ha ngi ruh.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

DEUTERONOMI 25:16

U Trai u isih ïa ki briew kiba shukor.

PHILIPPI 1:20

Ka jingkwah bajur bad ka jingkyrmen jong nga ka long ba ngan ym shah rem ha ka kamram jong nga, hynrei, ha ki por baroh, bad kyrpang ïa mynta hi, ngan da long uba dap da ka jingshlur, khnang ba da ka longrynïeng jong nga baroh, ngan wanrah burom ïa U Khrist, la nga im ne nga ïap.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

2 THESSALONI 2:12

Kaba mih ka long, ba ïa kito baroh ki bym shym la ngeit ïa ka jingshisha hynrei kiba la sngewbha ha ka pop, yn pynrem.

2 TIMOTHI 2:15

To leh ïa kaba bha tam ban ïoh ïa ka jingpynksan ba-pura ha khmat U Blei, kum u nongtrei u bymlehraiñ ïa la ka kam, uta uba hikai beit ïa ka khubor jong ka jingshisha U Blei.

JAKOB 4:1

Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.