Ka Shithi U Paul Sha Ki Nong Rom 6:12 - Khasi CL Bible (BSI)

¹² Ka pop kam dei shuh ban synshar ïa ki met ki jong phi, da kaba pynkohnguh sha ki jingkwah jong ka jinglong tynrai jong phi.

KA BAIBL

¹² Wat ai ba ka pop, namar kata, kan synshar ha ka met ka baïap jong phi, ïa ka ban kohnguh ïa ka, ha kita ki jingkwah jakhlia jong ka:

Ka Shithi U Paul Sha Ki Nong Rom 6:12 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

SALM 119:133

Kumba me la kular, to sumar ïa nga na kaba kyllon; wat shah ïa nga ban jop da kaba sniew.

SALM 19:13

To sumar ïa nga ruh na ki pop leh khnang; wat shah ïa ki ban synshar halor jong nga. Te ngan long uba janai bad lait na ka jingsniew jong ka pop.

LEBITIKOS 13:40

Lada u briew u hap shñiuh na shadien ne na sha khmat ka khlieh jong u, kata kam pynlong ïa u bymkhuid.

JINGKHEIÑ 33:55

Hynrei lada phim beh noh ïa ki nongshong shnong jong ka ri, kito kiba dang sah kin pynjynjar ïa phi kum ki thngiat ha ki khmat jong phi bad kum ki shiah ha ka krung jong phi, bad kin ïaleh pyrshah ïa phi.

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

Ka Shithi U Paul Sha Ki Nong Rom 6:16

Da shisha phi tip ba haba phi pyndem ïa lade kum ki mraw ban kohnguh ïano ïano, ha ka jingshisha, phi long ki mraw jong u kynrad uba phi kohnguh — lada ka long ka pop, kaba ka jingmih ka long ka jingïap, lane ka jingkohnguh, kaba ka jingmih ka long ka jingïasuk bad U Blei.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 8:13

Naba lada phi im kat kum ka jinglong ba kynja doh, phin sa ïap; hynrei lada da U Mynsiem phi pynïap noh ïa ki jingleh ka pop, phin im.

2 KORINTH 4:11

Ha shi lynter ka jingim, ngi don ha tmier jong ka jingïap na ka bynta U Jisu, khnang ba yn ïohi ïa ka jingim jong u ha kane ka met baïap jong ngi.

2 KORINTH 5:4

Katba ngi dang shong ha kane ka ïingjaiñ kaba na kane ka khyndew, ngi ud sat da ka jingsngew ba shah banbeiñ; kam dei ba ngi kwah ban lait noh na ka met kaba na ka khyndew, hynrei ba ngi kwah ban ïoh noh ban phong da kata kaba kynja bneng, khnang ba ïa kata kaba ïap yn ïoh pynkylla dur noh da kaba im.

GALATIA 5:16

Kane ka long kaei kaba nga ong: Shah ïa U Mynsiem ba un pynïaid ïa ki jingim jong phi, bad phin ym pynhun ïa ki jingkwah brai jong ka doh.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

DEUTERONOMI 7:2

Ynda U Trai U Blei jong phi u aiti ïa kine ki briew ha phi bad phi jop ïa ki, phi dei ban pynïap lut ïa ki baroh. Wat ïateh jutang bad ki bad wat leh-isynei ïa ki.

1 THESSALONI 4:5

ym ha ka jingkwah brai thala, kum kiba mane blei thala ki bymtip ïa U Blei.

2 TIMOTHI 2:22

To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

TITOS 2:12

Ba ka jingaiei ka hikai ïa ngi ban iehnoh ïa ka rukom im bymriewblei bad ïa ki jingkwah brai ba kynja pyrthei, bad ban im da kaba synshar ïa lade, ban im hok, bad ban im riewblei ha kane ka pyrthei,

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 PETROS 1:14

To kohnguh ïa U Blei, bad wat shah ba ïa ka jingim jong phi yn pynwandur da kito ki jingkwah brai kiba phi la ju don mynba phi dang don ha ka jingbymtip.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.

JUDAH 1:18

Ki la ong ha phi, “Haba ki sngi bakhatduh kin wan, kin mih ki briew ki ban krenbeiñ ïa phi, ki briew kiba ïaid katba kum ki jingkwah brai bymriewblei jong ki hi.”

NONGBISHAR 2:3

Kumta nga ong ïa phi mynta ba ngan ym beh noh ïa kine ki briew katba phi nang ïaid sha khmat. Kin long ki nongshun jong phi, bad phin shah riam da ka jingmane ïa ki blei jong ki.”