Ka Shithi U Paul Sha Ki Nong Rom 5:2 - Khasi CL Bible (BSI)

² U la wallam ïa ngi da ka jingngeit sha kane ka jingshem mynsiem jong ka jingaiei U Blei, ha kaba mynta ngi im. Bad kumta ngi sngewsarong ïa ka jingkyrmen jong ka jingïadon bynta ha ka burom jong U Blei!

KA BAIBL

² da u ruh, ngi la ïoh ïa ka jinglamphrang da kata ka jingngeit shapoh kane ka jingaiei ha kaba ngi ïaïeng; bad ngi sngewkmen ha ka jingkyrmen ïa ka burom U Blei.

Ka Shithi U Paul Sha Ki Nong Rom 5:2 ပူးပေါင်းရင်းမြစ်များ

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

SALM 73:24

Me kdew lynti ïa nga da ka jingbthah jong me bad ha kaba kut men pdiang ïa nga da kaba donburom.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

HABAKKUK 3:18

Ngan ïai lehkmen bad shadkmen, namar U Trai U Blei u long u nongpynim jong nga.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 10:9

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

Ka Shithi U Paul Sha Ki Nong Rom 14:4

Phi dei uei ban bishar ïa u shakri jong uwei pat? U dei u Kynrad jong u hi u ban rai lada un jop ne un rem. Bad un jop, namar U Trai u lah ban pynlah ïa u ban jop.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 3:23

baroh ki la leh pop bad ki la jngai noh na ka jingpynim U Blei.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:24

Naba ka long da ka jingkyrmen ba ïa ngi la pynim; hynrei lada ngi ïohi kaei kaba ngi ap kyrmen, te kam da long shisha ka jingkyrmen. Naba uei uta uba kyrmen ïa kaei kaba u ïohi?

1 KORINTH 15:1

Bad mynta nga kwah ban pynkynmaw ïa phi, ko parabangeit jong nga, ïa ka Khubor Babha kaba nga la ïalap ha phi, ïa kaba phi la pdiang, bad ha kaba ka jingngeit jong phi ka ïeng skhem.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

EPHESOS 3:12

Ha U Khrist bad da ka jingngeit jong ngi ha u ngi don ka jingshlur ban leit sha ka jingdon ryngkat U Blei da ka jingsngewskhem baroh.

EPHESOS 6:13

Kumta to kieng mynta ïa ka jingkieng atiar U Blei! Nangta haba ka sngi basniew ka wan, phin lah ban ïeng ïaleh pyrshah ïa ki bor ïaleh u nongshun; bad hadien ba ka jingïaleh ka la kut, phin dang ïeng skhem ha ka nongrim jong phi.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,

JINGPYNPAW 21:11

bad ka da phyrnai da ka burom jong U Blei. Ka nongbah ka la phyrnai kum u mawkordor, kum u maw Jasper, kaba shai sngur bha.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.