Ka Shithi U Paul Sha Ki Nong Rom 5:18 - Khasi CL Bible (BSI)

¹⁸ Kumta te, kumba da kawei ka pop la pynrem ïa u bynriew baroh, ha kajuh ka rukom kawei ka kam bahok ka pyllait bad ka ai jingim ïa u bynriew baroh.

KA BAIBL

¹⁸ Kumta, kat kumba da kawei ka jingryngkang, kata ka jingkut bishar ka la wanhap ha ki bynriew baroh, ïa ka ban pynrem; kumta ruh, da kawei ka jinglehhok, kata ka jingaiei ka la jia ha ki bynriew baroh, sha ka jingpynksan bad ka jingim ïa baroh.

Ka Shithi U Paul Sha Ki Nong Rom 5:18 ပူးပေါင်းရင်းမြစ်များ

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ÏOANNIS 12:32

Ynda la kyntiew ïa nga na ka pyrthei, ngan khring ïa ki briew baroh sha nga.”

ÏOANNIS 3:26

Kumta ki la leit sha u Ïoannis bad ki la ong, “Ko Nonghikai, phi kynmaw ïa u briew uba la don lem bad phi ha ka liang mihngi jong ka wah Jordan, ïa uba phi la kren shaphang jong u? Ha khmih, u la pynbaptis mynta, bad baroh ki la leit sha u!”

Ka Shithi U Paul Sha Ki Nong Rom 3:25

U Blei u la ai ïa u, khnang ba da ka jingïap kum ka jingkñia, un long ka lad jong ka jingmap ïa ki pop jong ki briew lyngba ka jingngeit jong ki ha u. U Blei u la leh ïa kane khnang ban pyn-i ba u long uba hok. Mynshuwa, u la ïaishah bad u la peit lyndet ïa ki pop jong ki briew; hynrei ha ka por mynta u pynbeit ïa ki pop jong ki, khnang ban pyn-i ïa ka jinglonghok jong u. Ha kane ka rukom U Blei u pyn-i ba ma u hi u long uba hok bad ba u pynlong hok ïa baroh kiba ngeit ha U Jisu.

Ka Shithi U Paul Sha Ki Nong Rom 4:25

Na ka bynta ki pop jong ngi, la aiti ïa u ban ïap, bad ïa u la pynmihpat khnang ban pynlong ka hok ïa ngi bad U Blei.

Ka Shithi U Paul Sha Ki Nong Rom 5:12

Ka pop ka la wan sha ka pyrthei lyngba uwei u briew, bad ka pop jong u ka la wallam ryngkat bad ka ïa ka jingïap. Ka jingmih ka long, ba ka jingïap ka la pur sha u bynriew baroh namar uwei pa uwei u la leh pop.

Ka Shithi U Paul Sha Ki Nong Rom 5:15

Hynrei kine ar kim long kumjuh, namar ka jingai sngewbha jong U Blei kam long kum ka pop u Adam. Ka long kaba shisha ba bun ki briew ki la ïap namar ka pop jong uta uwei u briew. Hynrei ka jingaiei U Blei ka long kham khraw, bad kumta ruh ka jingai sngewbha ïa kiba bun ki briew lyngba ka jingaiei jong uta uwei u briew, U Jisu Khrist.

Ka Shithi U Paul Sha Ki Nong Rom 5:19

Bad kumba ïa baroh ki briew la pynlong ki nongpop na ka daw jong ka jingbymkohnguh jong uwei u briew, ha kajuh ka rukom yn pynïasuk ïa ki baroh bad U Blei na ka daw jong ka jingkohnguh jong uwei u briew.

Ka Shithi U Paul Sha Ki Nong Rom 6:14

Ka pop kam dei ban long ka kynrad jong phi; namar phim im hapoh ka hukum hynrei hapoh ka jingaiei U Blei.

1 KORINTH 15:22

Naba kumba ki briew baroh ki ïap namar ka jingïadei jong ki ha u Adam, kumjuh ruh ïa baroh yn pynmihpat namar ka jingïadei jong ki ha U Khrist.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.