Ka Shithi U Paul Sha Ki Nong Rom 5:15 - Khasi CL Bible (BSI)

¹⁵ Hynrei kine ar kim long kumjuh, namar ka jingai sngewbha jong U Blei kam long kum ka pop u Adam. Ka long kaba shisha ba bun ki briew ki la ïap namar ka pop jong uta uwei u briew. Hynrei ka jingaiei U Blei ka long kham khraw, bad kumta ruh ka jingai sngewbha ïa kiba bun ki briew lyngba ka jingaiei jong uta uwei u briew, U Jisu Khrist.

KA BAIBL

¹⁵ Hynrei, ym kum kata ka jingryngkang, kumta ruh, ka long kata ka jingaiei: namar, lada da kata ka jingryngkang jong uta uwei, kita kiba bun ki la ïap noh, da kham tam shibun keiñ kata ka jingaiei U Blei, bad kata ka jingai kaba da ka jingaiei ka jong uta uwei u briew, uba U Jisu Khrist, ki la roi kyrhai sha kita kiba bun.

Ka Shithi U Paul Sha Ki Nong Rom 5:15 ပူးပေါင်းရင်းမြစ်များ

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

KI KAM 15:11

Em! Ngi ngeit bad la pynim ïa ngi da ka jingaiei jong U Trai Jisu, kumba long ma ki.”

Ka Shithi U Paul Sha Ki Nong Rom 5:12

Ka pop ka la wan sha ka pyrthei lyngba uwei u briew, bad ka pop jong u ka la wallam ryngkat bad ka ïa ka jingïap. Ka jingmih ka long, ba ka jingïap ka la pur sha u bynriew baroh namar uwei pa uwei u la leh pop.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

2 KORINTH 5:14

La synshar ïa ngi da ka jingieit U Khrist, mynta ba ngi tip ba uwei u briew u la ïap na ka bynta jong uwei pa uwei, kaba mut ba baroh ki ïoh bynta lang ha ka jingïap jong u.

2 KORINTH 9:15

To ngin ainguh ïa U Blei na ka bynta ka jingai jong u ka bym lah ban pynshongdor!

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.

1 ÏOANNIS 5:11

Ka jingphla ka long kane: U Blei u la ai ha ngi ïa ka jingim bymjukut, bad kane ka jingim ka don ka tyllong jong ka ha U Khun jong u.