Ka Shithi U Paul Sha Ki Nong Rom 5:10 - Khasi CL Bible (BSI)

¹⁰ Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

KA BAIBL

¹⁰ Namar lada, mynba ngi la long ki nongshun, la pynïasuk noh ïa ngi bad U Blei da ka jingïap U Khun jong u, te kham tam shibun, haba la pynïasuk ïa ngi, yn pynim ïa ngi da ka jingim jong u.

Ka Shithi U Paul Sha Ki Nong Rom 5:10 ပူးပေါင်းရင်းမြစ်များ

2 KHRONIKL 29:24

Nangta ki lyngdoh ki la pynïap ïa ki blang, bad theh ïa ka snam jong ki halor ka duwan kum ka jingkñia ban weng noh ïa ka pop jong ki briew baroh. Namar u syiem u la hukum ban pynlong ki jingkñia ainguh thang bad ki jingkñia sait pop na ka bynta ki Israel baroh.

ESEKIEL 45:20

Ha ka sngi kaba hynñiew jong u bnai phi dei ban leh ïa kajuh na ka bynta uno uno uba leh pop khlem da mut shisha ne na ka jingbymtip. Ha kane ka rukom, phin pynlong ba ka Templ kan long kaba khuid.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

LEBITIKOS 6:30

Hynrei lada wanrah wat tang khyndiat na ka snam shapoh ka Ïingjaiñ bad pyndonkam ïa ka ha kaba lehniam ban ïohmap ïa ki pop, ïa u mrad ym dei ban bam; dei ban thang lut khoit ïa u.

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 5:26

Kumba U Kpa da lade hi u long u tyllong jong ka jingim, ha kajuh ka rukom u la pynlong ïa U Khun jong u ban long u tyllong jong ka jingim.

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 6:57

U Kpa uba im u la phah ïa nga, bad namar jong u nga ruh nga im. Ha kajuh ka rukom uno uno uba bam ïa nga un im namar jong nga.

Ka Shithi U Paul Sha Ki Nong Rom 11:28

Namar ba ki kyntait ïa ka Khubor Babha, ki Jiw ki long ki nongshun jong U Blei na ka bynta jong phi ki Jentil. Hynrei namar ka jingjied U Blei, ki long ki paralok jong u namar ki kpa tymmen jong ki.

Ka Shithi U Paul Sha Ki Nong Rom 5:11

Hynrei kam long tang kumta; ngi lehkmen na ka bynta kaei kaba U Blei u la leh lyngba U Jisu Khrist uba U Trai jong ngi, uba mynta u la pynlong ïa ngi ki paralok jong U Blei.

Ka Shithi U Paul Sha Ki Nong Rom 5:6

Namar mynba ngi dang long ki bym don jingkyrmen shuh, U Khrist u la ïap na ka bynta kiba bymman, ha ka por kaba U Blei u la jied.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

EPHESOS 2:16

Da ka jingïap jong u halor ka diengphna, U Khrist u la pynduh thiaw ïa ka jingïashun jong ki; da ka lynti jong ka diengphna u la pynïasoh lang ar ki jaitbynriew ha kawei ka met, bad u la wallam pat ïa ki sha U Blei.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 ÏOANNIS 2:1

Nga thoh ïa kane ha phi, ko ki khun jong nga, khnang ba phin ym leh pop; hynrei lada uno uno u leh pop, ngi don uwei uba ïasaid bad U Kpa na ka bynta jong ngi — U Jisu Khrist, uta uba hok.

1 ÏOANNIS 4:10

Kane ka long kaei kaba ka jingieit ka long: Kam dei ba ngi la ieit ïa U Blei, hynrei, ba u la ieit ïa ngi bad u la phah ïa la U Khun ban long ka lynti ha kaba map ïa ki pop jong ngi.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.