Ka Shithi U Paul Sha Ki Nong Rom 4:5 - Khasi CL Bible (BSI)

⁵ Hynrei u briew uba shaniah ha ka jingngeit jong u, ym ha ki kam jong u, bad uba ngeit ha U Blei uba pynbna ïa uba la rem, ban long uba lui lui, ka long ka jingngeit jong u ba U Blei u pdiang khnang ban pynlong hok ïa uta u briew bad u hi.

KA BAIBL

⁵ Hynrei, ha uta u bymtrei, hynrei, uba ngeit ha uta uba pynksan ïa u bymriewblei, yn ñiew ka hok ïa ka jingngeit jong u.

Ka Shithi U Paul Sha Ki Nong Rom 4:5 ပူးပေါင်းရင်းမြစ်များ

HABAKKUK 2:4

Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

MARKOS 9:23

“Ho-oid,” U Jisu u la ong, “lada ma me hi me lah. Kiei kiei baroh ki long kiba lah ïa u briew uba don ka jingngeit.”

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

ÏOANNIS 6:29

U Jisu u la jubab, “Kaei kaba U Blei u kwah ïa phi ban leh ka long ban ngeit ha uta ïa uba u la phah.”

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

Ka Shithi U Paul Sha Ki Nong Rom 4:24

La thoh ïa ki na ka bynta jong ngi ruh ïa kiba la pdiang kum kiba hok, kiba ngeit ha uta uba la pynmih na ka jingïap ïa U Jisu uba U Trai jong ngi.

Ka Shithi U Paul Sha Ki Nong Rom 4:3

Ka Jingthoh Bakhuid ka ong, “U Abraham u la ngeit ha U Blei, bad namar ka jingngeit jong u, U Blei u la pdiang ïa u kum uba hok.”

Ka Shithi U Paul Sha Ki Nong Rom 4:6

Kane ka long kaei kaba u Dabid u la mut mynba u la kren shaphang ka jingsuk jong u briew ïa uba U Blei u pdiang kum uba hok, lait noh na kano kano kaba u briew u leh:

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

JOSHUA 24:2

U Joshua u ong ha uta u paidbah baroh, “Kane ka long kaei kaba U Trai, U Blei ki Israel, u don ban ong: ‘Mynhyndai, ki kpa tymmen jong phi ki shong ki sah sha shiliang jong ka wah Ïuphratis, bad ki la mane ïa kiwei pat ki blei. Uwei na kito ki kpa tymmen u dei u Terah, u kpa jong u Abraham bad u Nahor.