Ka Shithi U Paul Sha Ki Nong Rom 4:3 - Khasi CL Bible (BSI)

³ Ka Jingthoh Bakhuid ka ong, “U Abraham u la ngeit ha U Blei, bad namar ka jingngeit jong u, U Blei u la pdiang ïa u kum uba hok.”

KA BAIBL

³ Namar kumno kata Ka Jingthoh ka ong? “U Abraham te u la ngeit ha U Blei, bad ïa kata, la ñiew ka hok ha u.”

Ka Shithi U Paul Sha Ki Nong Rom 4:3 ပူးပေါင်းရင်းမြစ်များ

JENESIS 15:6

U Abram u la shaniah ha U Trai; bad namar kane, U Trai u la sngewbha ïa u bad u la pdiang ïa u.

SALM 106:31

Ïa kane la kynmaw kum ka kam babha jong u naduh kata ka por bad yn ïai kynmaw ha ki por baroh ki ban wan.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

MATHAÏOS 20:9

Ïa ki rangbah kiba la sdang ban trei ha ka por san baje la ai mar shi sbai rupa.

MARKOS 12:10

Hato da shisha phi la pule ïa kane ka Jingthoh Bakhuid? “ ‘U maw ïa uba ki nongtei ki la kyntait kum u bymmyntoi, u la kylla long uba donkam eh na baroh.

Ka Shithi U Paul Sha Ki Nong Rom 10:11

Ka Jingthoh Bakhuid ka ong, “Uno uno uba ngeit ha u un ym ngat ha ka jingsngewsih.”

Ka Shithi U Paul Sha Ki Nong Rom 11:2

U Blei um shym la kyntait ïa la ki jong ki briew, ïa kiba u la jied naduh kaba sdang. Phi tip ïa kaei kaba ka Jingthoh Bakhuid ka ong ha ka jingïathuh shaphang u Elijah ba u ïasaid bad U Blei pyrshah ïa ki Israel:

Ka Shithi U Paul Sha Ki Nong Rom 4:11

Ïa u la otsher hadien, bad ka jingotsher ïa u ka la long ka dak ban pyn-i ba namar ka jingngeit jong u, U Blei u la pdiang ïa u kum uba hok shuwa ban otsher ïa u. Bad kumta u Abraham u long u kpa ba kynja mynsiem jong baroh kiba ngeit ha U Blei bad ïa kiba la pdiang kum kiba hok da u, wat la ïa ki ym shym la otsher.

Ka Shithi U Paul Sha Ki Nong Rom 4:5

Hynrei u briew uba shaniah ha ka jingngeit jong u, ym ha ki kam jong u, bad uba ngeit ha U Blei uba pynbna ïa uba la rem, ban long uba lui lui, ka long ka jingngeit jong u ba U Blei u pdiang khnang ban pynlong hok ïa uta u briew bad u hi.

Ka Shithi U Paul Sha Ki Nong Rom 4:9

Hato kane ka jingsuk kaba U Dabid u la kren ka long tang ïa kito ïa kiba la otsher? Ym kumta keiñ! Ka long ruh ïa kito ki bym shym la otsher. Naba ngi ong na ka Jingthoh Bakhuid, “U Abraham u la ngeit ha U Blei, bad namar ka jingngeit jong u, U Blei u la pdiang ïa u kum uba hok.”

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

JAKOB 2:23

Bad ïa ka Jingthoh Bakhuid la pynshisha haba ka la ong, “U Abraham u la ngeit ha U Blei; bad namar ka jingngeit jong u, U Blei u la pdiang ïa u kum uba hok.” Bad kumta ïa u Abraham la khot u paralok jong U Blei.

JAKOB 4:5

Wat pyrkhat ba kam don ka jingshisha ha ka Jingthoh Bakhuid kaba ong, “Ka mynsiem kaba U Blei u la buh hapoh jong ngi ka dap da ki jingkwah kiba jur.”