Ka Shithi U Paul Sha Ki Nong Rom 4:17 - Khasi CL Bible (BSI)

¹⁷ kumba ka Jingthoh Bakhuid ka ong, “Nga la pynlong ïa me u kpa jong ki jaitbynriew babun.” Kumta ka jingkular ka long kaba bha ha khmat U Blei, ha uba u Abraham u la ngeit — U Blei uba wallam ïa kiba la ïap sha ka jingim bad uba ka hukum jong u ka pynlong ïa kaei ka bym shym la don.

KA BAIBL

¹⁷ (kat kumba la thoh: “Nga la pynlong ïa me u kpa kiba bun ki jaid bynriew,”) ha khmat uta U Blei ha uba u la ngeit, uba pynim ïa kiba la ïap, bad uba khot ïa kita kiei kiei ruh ki bymlong, kumba ki da long.

Ka Shithi U Paul Sha Ki Nong Rom 4:17 ပူးပေါင်းရင်းမြစ်များ

JENESIS 17:16

Ngan kyrkhu ïa ka, bad ngan ai khun shynrang ïa me na ka. Ngan kyrkhu ïa ka, bad kan long ka kmie jong ki jaitbynriew; bad yn don ruh napdeng ki khun ki ksiew ki ban long ki syiem.”

JENESIS 17:20

Nga la ïohsngew ïa ka jingkyrpad jong me na ka bynta u Ishmael, kumta ngan kyrkhu ïa u bad ngan ai ha u shibun ki khun ki ksiew. Un long u kpa jong ki khat-ar ngut ki khun syiem, bad ngan pynlong ka jaitbynriew kaba khraw na ki khun ki ksiew jong u.

JENESIS 28:3

To U Blei Badonbor Baroh un kyrkhu ïa ka shongkha shongman jong me bad un ai ïa me bun ki khun ki kti, ba men ïoh long u kpa jong kiba bun ki jaitbynriew.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

ISAÏAH 44:7

Hato don mano mano ba la leh ïa kaei kaba nga la leh? Mano ba la ïathuh lypa ïa baroh ka ban sa jia naduh kaba mynnyngkong haduh kaba kut ka por?

ISAÏAH 48:13

Ki ksang'ti jong nga ki la buh ïa ki nongrim jong ka pyrthei bad kiba pyiar sha ki bneng. Haba nga phah khot ïa ka pyrthei bad ïa ka suiñbneng, ki wan kumne kumne bad aiti ïa lade.

ISAÏAH 49:12

Ki briew jong nga kin wan na jngai bah, na shatei bad na sepngi, bad na Aswan kaba don shathie.”

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

ISAÏAH 55:12

“Phin mihnoh na Babilon da ka jingkmen; yn ïalam ïa phi shabar ka nongbah ha ka jingsuk. Ki lumbah bad ki lumrit kin sawa da ka jingrwai, bad ki dieng kin pyrta da ka jingkmen.

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

ÏOANNIS 5:25

Nga ong ha phi ïa ka jingshisha: Ba ka por kan poi — ka por ka la lah poi — haba kiba ïap kin ïohsngew ïa ka sur jong U Khun U Blei, bad kito kiba ïohsngew ïa ka kin ïoh im.

ÏOANNIS 6:63

Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

KI KAM 15:18

Kumta ong U Trai, uba la pyntip ïa kane slem bah mynshuwa.’

Ka Shithi U Paul Sha Ki Nong Rom 3:29

Lane ba U Blei u long U Blei tang jong ki Jiw? Hato um dei U Blei jong ki Jentil ruh? Da shisha u dei.

Ka Shithi U Paul Sha Ki Nong Rom 4:18

U Abraham u la ngeit bad u la kyrmen, wat mynba ym shym don ka daw ban kyrmen, bad kumta u la long “U kpa jong ki jaitbynriew babun.” Kumba ka Jingthoh Bakhuid ka ong, “Kiba hiarpateng na me kin bun kat ki khlur.”

Ka Shithi U Paul Sha Ki Nong Rom 4:2

Lada ïa u la ñiew ka hok bad U Blei da kiei kiba u la leh, un don ei ei ban sngewsarong shaphang kata — hynrei ym ha khmat U Blei.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 9:11

Hynrei khnang ba ka jingjied ïa uwei u khun shynrang kan long nadong shadong ka jingmih jong ka jingthmu U Blei hi, U Blei u la ong ïa ka, “U hynmen un shakri ïa u para.” U la ong ïa kane shuwa ba yn kha ïa ki, shuwa ba ki la leh ïa kano kano kaba bha ne kaba sniew; kumta ïa ka jingjied U Blei la pynshong nongrim ha ka jingkhot jong u, bad ym ha kano kano kaba ki la lah leh.

Ka Shithi U Paul Sha Ki Nong Rom 9:26

Bad ha kata hi ka jaka ha kaba ki la ong, ‘Phim dei ki briew jong nga.’ Hangta yn khot ïa ki, ki khun jong U Blei ba-im.”

1 KORINTH 1:28

U la jied ïa kaei kaba ka pyrthei ka ñiew poh bad ibeiñ, bad ka pyrkhat ba kam long ei ei, khnang ban pynjot ïa kaei kaba ka pyrthei ka pyrkhat ba ka long kaba donkam.

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

1 TIMOTHI 6:13

Ha khmat U Blei, uba ai jingim ïa kiei kiei baroh, bad ha khmat U Khrist Jisu, uba phla shai ïa la ka jingngeit ha khmat u Pontios Pilat, nga hukum ïa me ba men kohnguh ïa la ki hukum bad ban sumar hok ïa ki haduh kata ka Sngi haba U Jisu Khrist uba U Trai jong ngi un paw.

HEBRU 11:12

La u Abraham u la ïap shisha, na une uwei u briew, la mih bun kiba hiarpateng kat ki khlur ha ka sahit bneng, kat u shyiap bymlah ñiew shuh harud duriaw.

HEBRU 11:3

Ka long da ka jingngeit ba ngi sngewthuh ba la pynlong ïa ka pyrthei da ka ktien U Blei, khnang ba ïa kaei kaba lah ban ïohi la pynlong na kaei ka bymlah ban ïohi.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.

2 PETROS 3:8

Hynrei to wat klet ïa kane kawei, ko paralok ba-ieit jong nga! Kam don ka jingïapher ha khmat U Trai hapdeng ka shi sngi bad ka shihajar snem; ha u, baroh ar ki long kumjuh.