Ka Shithi U Paul Sha Ki Nong Rom 4:16 - Khasi CL Bible (BSI)

¹⁶ Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

KA BAIBL

¹⁶ Namar kata ka long na ka jingngeit, ba kan ïoh long da ka jingaiei; khnang ba kata ka jingkular kan long skhem bha ha uta u symbai baroh; ym tang ha uta hi uba na ka jong ka hukum, hynrei, ha uta ruh uba na ka jingngeit u Abraham; uba long u kpa jong ngi baroh,

Ka Shithi U Paul Sha Ki Nong Rom 4:16 ပူးပေါင်းရင်းမြစ်များ

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

LOUKAS 19:9

U Jisu u la ong ha u, “Mynta ka jingpynim ka la wan ha kane ka ïing, naba une u briew, ruh, u dei uba hiarpateng jong u Abraham.

Ka Shithi U Paul Sha Ki Nong Rom 15:8

Naba nga ong ïa phi ba ka jingim jong ka jingshakri U Khrist ka la long na ka bynta ki Jiw, ban pyn-i ba U Blei u long uba ïaineh, ban pynlong ïa ki kular jong u ha ki kpa tymmen jong ki ban urlong shisha,

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

Ka Shithi U Paul Sha Ki Nong Rom 4:11

Ïa u la otsher hadien, bad ka jingotsher ïa u ka la long ka dak ban pyn-i ba namar ka jingngeit jong u, U Blei u la pdiang ïa u kum uba hok shuwa ban otsher ïa u. Bad kumta u Abraham u long u kpa ba kynja mynsiem jong baroh kiba ngeit ha U Blei bad ïa kiba la pdiang kum kiba hok da u, wat la ïa ki ym shym la otsher.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

Ka Shithi U Paul Sha Ki Nong Rom 9:8

Kane ka mut ba ki khun ba la kha kat kum ka rukom, kim dei ki khun jong U Blei; hynrei, ïa ki khun ba la kha kat kum ka jingkular U Blei, la ñiew kum ki nonghiarpateng bashisha.

GALATIA 3:14

U Khrist u la leh ïa kane khnang ba ka jingkyrkhu kaba U Blei u la kular ha u Abraham kan ïoh wan ha ki Jentil da U Khrist Jisu, khnang ba lyngba ka jingngeit ngin ïohpdiang ïa U Mynsiem ba la kular da U Blei.

GALATIA 3:16

Mynta, U Blei u la pynlong ïa ki jingkular jong u ha u Abraham bad ha u nonghiarpateng jong u. Ka Jingthoh Bakhuid kam shym pyndonkam da ki kyntien “ki nonghiarpateng,” kaba thew shibun ki briew, hynrei ka pyndonkam da ka kyntien “u nonghiarpateng,” kaba mut tang uwei u briew, kaba mut U Khrist.

GALATIA 3:22

Hynrei ka Jingthoh Bakhuid ka ïathuh ba ka pyrthei hi baroh kawei ka don hapoh ka bor jong ka pop; bad kumta ïa ka jingai ïa kaba la kular halor ka nongrim jong ka jingngeit ha U Jisu Khrist la ai ïa kito kiba ngeit.

EPHESOS 2:5

ba haba ngi la long kiba ïap ha ka jinglong ba kynja mynsiem ha ka jingbymkohnguh jong ngi u la wallam ïa ngi sha ka jingim lem bad U Khrist. Ka dei da ka jingaiei U Blei ba la pynim ïa phi.

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

TITOS 3:7

khnang ba ngi lah ban don ka jingïadei kaba beit bad U Blei bad ïohpdiang ïa ka jingim bymjukut kaba ngi ap kyrmen.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.