Ka Shithi U Paul Sha Ki Nong Rom 4:11 - Khasi CL Bible (BSI)

¹¹ Ïa u la otsher hadien, bad ka jingotsher ïa u ka la long ka dak ban pyn-i ba namar ka jingngeit jong u, U Blei u la pdiang ïa u kum uba hok shuwa ban otsher ïa u. Bad kumta u Abraham u long u kpa ba kynja mynsiem jong baroh kiba ngeit ha U Blei bad ïa kiba la pdiang kum kiba hok da u, wat la ïa ki ym shym la otsher.

KA BAIBL

¹¹ Bad u la ïoh pdiang ïa ka dak ka jingotsher, ban long ka synjat jong kata ka hok ka jong kata ka jingngeit kaba u la don keiñ ha ka bym-otsher; khnang ba un long ma u, u kpa kita baroh kiba ngeit, la ki long ha ka bym-otsher; khnang ba yn ñiew ïa kata ka hok ha ki ruh;

Ka Shithi U Paul Sha Ki Nong Rom 4:11 ပူးပေါင်းရင်းမြစ်များ

JENESIS 17:24

U Abraham u la dap khyndaiphew khyndai snem mynba la otsher ïa u,

SALM 47:9

Ki nongsynshar jong ki hima ki ïalum bad ki briew jong U Blei jong u Abraham. U long ma u, uba kham khlaiñ ban ïa baroh ki kynhun shipai; u synshar halor baroh.

EKSODOS 12:13

Ka snam ha ki shawkad kan long ka dak ban pyn-i ïa ki ïing ha kiba phi shong. Haba nga ïohi ïa kata ka snam, ngan ïaid lait na phi, bad ngan ym ktah ïa phi haba nga pynshitom ïa ki nong Ijipt.

EKSODOS 31:13

“Rakhe ïa ka sngi Sabbaton, ka sngi shongthait jong nga namar ka long ka dak hapdeng jong nga bad phi pateng la pateng, ba phin ïoh tip ba nga U Trai nga la pynlong ïa phi ki briew jong nga hi.

EKSODOS 31:17

Ka long ka dak kaba neh junom hapdeng jong nga bad ki Israel, ba ma nga, U Trai, nga la thaw ïa ka bneng bad ïa ka pyrthei ha ki hynriew sngi, bad ha ka sngi kaba hynñiew nga la sangeh ban trei bad shongthait.”

ESEKIEL 20:12

Nga la pynlong ïa ka jingsumar ïa ka Sabbaton ka dak jong ka jingïateh kular hapdeng jong ngi, ban pynkynmaw ïa ki ba ma nga, U Trai, nga pynlong ïa ki, kiba khuid.

ESEKIEL 20:20

Pynlong ïa ka Sabbaton ka sngi kaba khuid, ba kumta kan long ka dak jong ka jutang ba ngi la thaw, bad kan pynkynmaw ïa phi ba nga long U Trai U Blei jong phi.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 8:11

Nga pynthikna ïa phi ba shibun kin ïawan na mihngi bad na sepngi bad kin ïashong lem bad u Abraham, u Isaak bad u Jakob ha ka jingkhawai hapoh ka Hima ki bneng.

LOUKAS 19:9

U Jisu u la ong ha u, “Mynta ka jingpynim ka la wan ha kane ka ïing, naba une u briew, ruh, u dei uba hiarpateng jong u Abraham.

ÏOANNIS 3:33

Hynrei uno uno uba pdiang ïa ka khubor jong u, u pynskhem da kane ba U Blei u long uba shisha.

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 6:47

Nga ong ha phi ïa ka jingshisha: Uta uba ngeit u don ka jingim bymjukut.

ÏOANNIS 8:33

“Ngi dei kiba hiarpateng na u Abraham,” ki la jubab, “bad ngim pat ju la long ki mraw jongno jongno. Me mut aïu, te, da kaba ong, ‘Phin long kiba laitluid?’ ”

Ka Shithi U Paul Sha Ki Nong Rom 10:11

Ka Jingthoh Bakhuid ka ong, “Uno uno uba ngeit ha u un ym ngat ha ka jingsngewsih.”

Ka Shithi U Paul Sha Ki Nong Rom 10:4

Naba U Khrist u la pynkut ïa ka Hukum, khnang ba uei uei baroh uba ngeit u don ka jingïadei bad U Blei.

Ka Shithi U Paul Sha Ki Nong Rom 10:6

Hynrei kaei kaba ka Jingthoh Bakhuid ka ong shaphang ka jingïadei bad U Blei lyngba ka jingngeit ka long kane: “Phim dei ban kylli ïa lade, Uei u ban leit sha bneng?” (kata ka long, ban wallam ïa U Khrist sha tbian).

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

Ka Shithi U Paul Sha Ki Nong Rom 4:10

Mynno kane ka la jia? Hato ka la long ha shuwa ne hadien ba la otsher ïa u Abraham? Ka la long ha shuwa ym hadien.

Ka Shithi U Paul Sha Ki Nong Rom 9:30

Te kumta ngi ong ba ki Jentil, ki bym shym la pyrshang ban ïasuk bad U Blei, la pynïasuk bad u lyngba ka jingngeit;

Ka Shithi U Paul Sha Ki Nong Rom 9:33

uba ka Jingthoh Bakhuid ka kren shaphang uta: “Ha khmih, nga buh ha Seïon ïa u maw u ban pynlong ïa ki briew ban jynthut, u mawsiang u ban pynlong ïa ki ban kyllon. Hynrei uno uno uba ngeit ha u un ym shem ïa kaba sngewsih.”

Ka Shithi U Paul Sha Ki Nong Rom 9:6

Ngam ong ba ka kular jong U Blei kam shym la treikam; namar ym baroh ki paid Israel ki long ki briew jong U Blei.

2 KORINTH 1:22

uba la shon ïa ka shab jong ka jinglong trai halor jong ngi, bad uba la ai ïa U Mynsiem Bakhuid ha ki dohnud jong ngi kum ka jingbahkhlieh ïa kata baroh kaba u la buh tyngkai na ka bynta jong ngi.

GALATIA 3:22

Hynrei ka Jingthoh Bakhuid ka ïathuh ba ka pyrthei hi baroh kawei ka don hapoh ka bor jong ka pop; bad kumta ïa ka jingai ïa kaba la kular halor ka nongrim jong ka jingngeit ha U Jisu Khrist la ai ïa kito kiba ngeit.

GALATIA 3:29

Lada phi dei ki jong U Khrist, te, phi long ki nonghiarpateng u Abraham bad phin ïohpdiang ïa kaei kaba U Blei u la kular.

GALATIA 3:7

Phi dei ban sngewthuh te, ba ki khun ki ksiew bashisha jong u Abraham ki long ki briew kiba don ka jingngeit.

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

GALATIA 6:16

Na ka bynta kita kiba bud ïa kane ka rukom ha ka jingim jong ki, to ai ba ka jingsuk bad ka jingisynei kan long lem bad ki — ïa ki lem bad baroh ki briew jong U Blei!

EPHESOS 1:13

Bad ma phi ruh, kiba la kylla long ki briew jong U Blei mynba phi la ïohsngew ïa ka khubor kaba shisha, ka khubor babha kaba wallam ïa phi ka jingpynim. Phi la ngeit ha U Khrist, bad U Blei u la buh ïa ka jingshonshab ka jinglong trai ha phi da kaba ai ha phi ïa U Mynsiem Bakhuid uba u la kular.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

JINGPYNPAW 9:4

La ïathuh ïa ki ba kin ym pynmynsaw ïa u phlang lane ïa ki dieng lane ïa kiwei pat ki jingthung; ki lah ban pynmynsaw tang ïa ki briew ki bym don ka shab jong U Blei ha ki shyllangmat jong ki.