Ka Shithi U Paul Sha Ki Nong Rom 4:1 - Khasi CL Bible (BSI)

¹ Kaei kaba ngin ïa-ong te, shaphang u Abraham, u kpa jong ka jaitbynriew jong ngi? Kaei ka jingshem jong u?

KA BAIBL

¹ Aïu te ngin ïa-ong ba u Abraham, uba u kpa jong ngi katba kum ka doh, u la shem?

Ka Shithi U Paul Sha Ki Nong Rom 4:1 ပူးပေါင်းရင်းမြစ်များ

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

ÏOANNIS 8:33

“Ngi dei kiba hiarpateng na u Abraham,” ki la jubab, “bad ngim pat ju la long ki mraw jongno jongno. Me mut aïu, te, da kaba ong, ‘Phin long kiba laitluid?’ ”

ÏOANNIS 8:53

U Abraham uba u kpa jong ngi u la ïap; hato mem dawa ba me kham khraw ban ïa u Abraham? Bad ki nongïathuhlypa ruh ki la ïap. Me tharai ba me dei uei?”

ÏOANNIS 8:56

U Abraham uba long u kpa jong phi u la shadkmen ba u la ïohi ïa ka por jong ka jingwan jong nga; u la ïohi ïa ka bad u la kmen.”

KI KAM 13:26

“Ko para Israel jong nga, ki khun ki ksiew jong u Abraham, bad baroh ki Jentil hangne kiba mane ïa U Blei: Ka long ha ngi, ba la phah ïa kane ka khubor ka jingpynim!

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

Ka Shithi U Paul Sha Ki Nong Rom 3:5

Hynrei kaei ka ban long lada ka jingleh bymdei jong ngi ka pyn-i kham shai ïa kaei kaba dei kaba U Blei u leh? Hato ngi lah ban ong ba U Blei u bakla haba u pynshitom ïa ngi? (Kane kan long ka jingkylli kaba dei ban kylli.)

Ka Shithi U Paul Sha Ki Nong Rom 4:16

Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

Ka Shithi U Paul Sha Ki Nong Rom 6:1

Kaei te ngin ïa-ong? Hato ngin ïai im ha ka pop ba ka jingaiei U Blei kan nang khraw?

Ka Shithi U Paul Sha Ki Nong Rom 7:7

Hato ngin ong te, ba ka Hukum hi ka long kaba pop? Ym kumta keiñ! Hynrei ka la long ka Hukum kaba pynlong ïa ngi ban tip kaei ka pop. Lada ka Hukum kam shym la ong, “Wat kwah ïa kaei kaba dei jong uwei pat,” ngan ym jin da la tip ïa kum kata ka jingkwah.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

2 KORINTH 11:22

Hato ki long ki Hebru? Nga ruh nga long. Hato ki long ki Israel? Nga ruh nga long. Hato ki long kiba hiarpateng na u Abraham? Nga ruh nga long.

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.