Ka Shithi U Paul Sha Ki Nong Rom 3:4 - Khasi CL Bible (BSI)

⁴ Kan ym long kumta! U Blei un long uba shisha, wat la uwei pa uwei u briew u long uba shukor. Kumba ka Jingthoh Bakhuid ka ong, “Ba yn lah ban pyn-i ïa phi ba phi long kiba shisha haba phi kren; phi dei ban jop ïa ka jingïaleh haba la bishar ïa phi.”

KA BAIBL

⁴ Ym kumta em! Hynrei, to ai ba yn ñiew ïa U Blei uba shisha, la u briew baroh u long uba lamler; kumba la thoh: “Ba yn lah pynksan ïa me ha ki ktien jong me, bad ba men lah thiaw haba yn bishar ïa me.”

Ka Shithi U Paul Sha Ki Nong Rom 3:4 ပူးပေါင်းရင်းမြစ်များ

Ka Kitab U Job 36:3

Ka jingtip jong nga ka long kaba ïar; ngan pyndonkam ïa kaba nga tip ban pyn-i ba U Blei, u Nongthaw jong nga, u long uba hok.

Ka Kitab U Job 40:8

Hato me pyrshang ban pynshisha ba nga long u bymhok — ban buh ïa nga ha ka bymdei bad ïa lade ha kaba dei?

SALM 100:5

U Trai u long uba bha; ka jingieit jong u ka neh bymjukut, bad ka jingïaineh jong u ka neh junom.

SALM 116:11

wat haba nga la sheptieng bad nga ong, “Ym don uwei ruh ïa uba lah ban shaniah.”

SALM 119:160

Ka tynrai jong ka aiñ jong me ka dei ka jingshisha, bad baroh ki jingbishar bahok jong me ki long bymjukut.

SALM 138:2

Nga phai khmat sha ka templ bakhuid jong me, nga dem ngon, bad ïaroh ïa ka kyrteng jong me namar ka jingieit baneh jong me bad ka jinglong baïaineh jong me; naba me la pyn-i ba ka kyrteng jong me bad ki hukum jong me ki long kiba ha khlieh tam.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

SALM 62:9

Ki briew ki long kum ka jingpynhiar mynsiem, kiba rit bad kiba khraw kumjuh kim dondor. Buh ïa ki ha ki tarajur, bad kim don jingkhia ei ei; ki kham sting ban ïa ka jingpynhiar mynsiem.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

MATHAÏOS 11:19

Haba U Khun U Briew u la wan, u la bam bad u la dih, bad uwei uwei baroh u la ong, ‘Ha khmih ïa une u briew! U long uba lalot bad u nongdih, u paralok jong ki nonglum khajna bad kiwei pat kiba la shah kyntait!’ Pynban, ïa ka jingstad Blei la pyn-i ba ka long kaba shisha da kiba mih na ka.”

LOUKAS 20:16

“Un wan bad pynïap ïa kito ki rangbah, bad un ai ïa ka bri sohwaiñ ha kiwei pat ki nongshimwai.” Haba ki paidbah ki la ïohsngew ïa kane, ki la ong, “Ym kumta keiñ!”

ÏOANNIS 3:33

Hynrei uno uno uba pdiang ïa ka khubor jong u, u pynskhem da kane ba U Blei u long uba shisha.

Ka Shithi U Paul Sha Ki Nong Rom 11:1

Nga kylli te: Hato U Blei u la kyntait ïa la ki jong ki briew? Em, kam long kumta! Ma nga hi nga long u nong Israel, uba hiarpateng na u Abraham, u dkhot jong ka jait Benjamin.

Ka Shithi U Paul Sha Ki Nong Rom 11:11

Nga kylli te: Haba ki Jiw ki jynthut, hato ki hap sha ka jingjot jong ki? Em, ym kumta! Namar ki la leh pop, ka jingpynim ka la wan sha ki Jentil, ban pynlong ïa ki Jiw ban bishni ïa ki.

Ka Shithi U Paul Sha Ki Nong Rom 3:31

Hato kane ka mut ba da kane ka jingngeit ngi kyntait noh ïa ka Hukum? Em, ym kumta; pynban, ngi pynskhem ïa ka Hukum.

Ka Shithi U Paul Sha Ki Nong Rom 6:15

Kaei te ngin ïa-ong? Hato ngin leh pop, namar ngim long hapoh ka hukum hynrei hapoh ka jingaiei U Blei? Ym kumta!

Ka Shithi U Paul Sha Ki Nong Rom 6:2

Kam long kumta! Ngi la ïap ïa ka pop — kumno te ngi lah ban ïai im ha ka?

Ka Shithi U Paul Sha Ki Nong Rom 7:13

Hynrei hato kane ka mut ba kaei kaba bha ka pynlong ïa ka jingïap ïa nga? Ym kumta! Ka dei ka pop kaba pynlong ïa kata; da kaba pyndonkam ïa kaei kaba bha, ka pop ka la wallam ka jingïap ïa nga, khnang ba ïa kata ka jinglong bashisha jong ka pop yn pynpaw. Bad kumta, lyngba ka hukum, ïa ka pop la pynpaw ba ka long kaba kham shyrkhei.

Ka Shithi U Paul Sha Ki Nong Rom 7:7

Hato ngin ong te, ba ka Hukum hi ka long kaba pop? Ym kumta keiñ! Hynrei ka la long ka Hukum kaba pynlong ïa ngi ban tip kaei ka pop. Lada ka Hukum kam shym la ong, “Wat kwah ïa kaei kaba dei jong uwei pat,” ngan ym jin da la tip ïa kum kata ka jingkwah.

Ka Shithi U Paul Sha Ki Nong Rom 9:14

Hato ngin ong te, ba U Blei u long bymhok? Ym kumta.

1 KORINTH 6:15

Phi tip ba ki met jong phi ki long ki dkhot jong ka met U Khrist. Hato ngan shim noh shi lyngkhot na ka met U Khrist bad pynlong ïa ka shi bynta jong ka met jong ka nuti? Kam lah ban long!

2 KORINTH 1:18

Kat kumba U Blei u kren ïa ka jingshisha, ka jingkular jong nga ïa phi kam long kaba “Ho-oid” bad kaba “Em.”

GALATIA 2:17

Lada kumta, kumba ngi pyrshang ban pynksan ha U Blei da ka jingpynïasoh jong ngi bad U Khrist, yn shem ïa ngi ba ngi long ki nongpop kumba long hi ki Jentil — hato kane ka mut ba U Khrist u pynlong ka daw ïa ka pop? Da lei lei ruh em!

GALATIA 2:21

Ngam treh ban kyntait ïa ka jingaiei U Blei. Hynrei lada la pynksan ïa u briew ha U Blei da ka Hukum, ka mut ba U Khrist u la ïap lehnoh-ei!

GALATIA 6:14

Pynban, na ka bynta jong nga, ngan sngewsarong tang shaphang ka diengphna U Jisu Khrist uba U Trai jong ngi; naba da ka diengphna jong u, ka pyrthei ka la ïap ïa nga, bad nga la ïap ïa ka pyrthei.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 ÏOANNIS 5:10

Kumta uno uno uba ngeit ha U Khun U Blei u don ïa kane ka jingphla ha ka dohnud jong u hi; hynrei uno uno u bymngeit ha U Blei, la pynlong ïa u, uba lamler, namar um shym la ngeit ïa kaei kaba U Blei u la ong shaphang U Khun jong u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.