Ka Shithi U Paul Sha Ki Nong Rom 3:31 - Khasi CL Bible (BSI)

³¹ Hato kane ka mut ba da kane ka jingngeit ngi kyntait noh ïa ka Hukum? Em, ym kumta; pynban, ngi pynskhem ïa ka Hukum.

KA BAIBL

³¹ Te ngi ïa-pyndam noh ïa ka hukum da kane ka jingngeit? Ym kumta, em! hynrei, shisha ngi ïa-pynskhem ïa ka hukum.

Ka Shithi U Paul Sha Ki Nong Rom 3:31 ပူးပေါင်းရင်းမြစ်များ

SALM 119:126

A Trai, ka la dei ka por ba men leh ei ei, namar ki briew kim kohnguh ïa ka aiñ jong me.

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

ISAÏAH 42:21

U Trai u long U Blei uba kwah eh ban pynim, kumta u kyntiew ïa ki aiñ bad ki jinghikai jong u, bad u kwah ba ki briew jong u ki burom ïa ki.

MATHAÏOS 15:6

Ha kane ka rukom phi ñiewbeiñ ïa ka hukum jong U Blei, khnang ban bud ïa la ka jong ka jinghikai.

MATHAÏOS 3:15

Hynrei U Jisu u la jubab ïa u, “Ai ba kan long kumta ïa mynta. Naba kumne keiñ ngin pyndep ïa kata baroh kaba U Blei u dawa.” Kumta u Ïoannis u la mynjur.

MATHAÏOS 5:17

“Wat pyrkhat ba nga la wan ban pyndam noh ïa ka Hukum u Moses bad ïa ki jinghikai jong ki nongïathuhlypa. Ngam shym la wan ban pyndam noh ïa ki, hynrei ban pynurlong shisha ïa ki jinghikai jong ki.

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

LOUKAS 20:16

“Un wan bad pynïap ïa kito ki rangbah, bad un ai ïa ka bri sohwaiñ ha kiwei pat ki nongshimwai.” Haba ki paidbah ki la ïohsngew ïa kane, ki la ong, “Ym kumta keiñ!”

Ka Shithi U Paul Sha Ki Nong Rom 10:4

Naba U Khrist u la pynkut ïa ka Hukum, khnang ba uei uei baroh uba ngeit u don ka jingïadei bad U Blei.

Ka Shithi U Paul Sha Ki Nong Rom 2:20

u nongbthah ïa kiba bieit, bad u nonghikai ïa ki bym don jingnang jingstad. Phi long thikna ba ha ka Hukum phi don ka thup ba-pura jong ka jingtip bad jong ka jingshisha.

Ka Shithi U Paul Sha Ki Nong Rom 3:4

Kan ym long kumta! U Blei un long uba shisha, wat la uwei pa uwei u briew u long uba shukor. Kumba ka Jingthoh Bakhuid ka ong, “Ba yn lah ban pyn-i ïa phi ba phi long kiba shisha haba phi kren; phi dei ban jop ïa ka jingïaleh haba la bishar ïa phi.”

Ka Shithi U Paul Sha Ki Nong Rom 3:6

Ym kumta keiñ! Lada U Blei um long uba hok, kumno un bishar ïa ka pyrthei?

Ka Shithi U Paul Sha Ki Nong Rom 4:14

Naba lada kaei kaba U Blei u kular ban ai ha kito kiba kohnguh ïa ka Hukum, te ka jingngeit u briew kam don jingmut bad ka jingkular U Blei kam dondor ei ei.

Ka Shithi U Paul Sha Ki Nong Rom 7:22

Ka jinglong kaba hapoh jong nga ka kmen ha ka hukum U Blei.

Ka Shithi U Paul Sha Ki Nong Rom 7:25

Ka jingnguh ïa U Blei, uba leh ïa kane lyngba U Jisu Khrist uba U Trai jong ngi! Kane te, ka long ka jinglong jong nga: Da lade hi nga lah ban leh ïa ka hukum U Blei tang da ka jingmut jong nga, katba ka jinglong ba kynja doh jong nga ka leh ïa hukum jong ka pop.

Ka Shithi U Paul Sha Ki Nong Rom 8:4

U Blei u la leh ïa kane khnang ba ïa ki jingdawa bahok jong ka Hukum yn pyndep nadong shadong ha ngi kiba im kat kum U Mynsiem, bad ym kat kum ka jinglong ba kynja doh.

1 KORINTH 9:21

Kumjuh ruh, haba nga dang trei bad ki Jentil, nga im kum u Jentil, shabar ka Hukum ki Jiw, khnang ban jop ïa ki Jentil. Kane kam mut ba nga khlem kohnguh ïa ka hukum U Blei; nga long shisha hapoh ka hukum U Khrist.

GALATIA 2:19

Ha ka jingïadei bad ka Hukum, la kumno kumno nga la ïap — la pynïap da ka Hukum hi — khnang ba nga lah ban im na ka bynta U Blei. La pynïap ïa nga lem bad U Khrist ha ka diengphna jong u,

GALATIA 2:21

Ngam treh ban kyntait ïa ka jingaiei U Blei. Hynrei lada la pynksan ïa u briew ha U Blei da ka Hukum, ka mut ba U Khrist u la ïap lehnoh-ei!